Charter Document - 03770131
| Charter Number: | 03770131 |
|---|---|
| Cartulary Title: | Regesta Willelmi Conquestoris et Willelmi Rufi, 1066-1100 [Westminster] |
| Charter Language: | Latin |
| Charter Origin: | Lay |
| Charter Type(s): | Foundation |
| Date: | 1080 - 1085 |
| Date type: | Assigned |
| Resource Link(s): |
SCRIPTA - Base des actes normands médiévaux |
Charter:
Ego Nigellus vicecomes divina afflatus spiritu dignum duxi in ecclesiam sancti Salvatoris monastice religionis ritus ponere et conventum sub abbate ad quod faciendum elegi domum de Iumeges quam audivi maioris auctoritatis in religione pre ceteris et Deo auxiliante adduxi ex ea personas religiosas inter quas religiosissimum virum nomine Benignum quem abbatem constitui Hiis itaque dispositis liberam feci et quietam abbatiam ab omnibus consuetudinibus michi pertinentibus et ad usum monachorum dedi decimas omnium possessionum mearum videlicet omnium molendinorum meorum decimas et in molendino ville Sancti Salvatoris ut mollant monachi omnem annonam suam sine loco et sine moltura Et de omnibus picheriis meis dedi eis decimas Dedi etiam eis decimam redditus foreste mee et haie de Selesuef et de mareis et de venditione in denariis et in annona et in omnibus rebus et decimam pasnagii et venationis et de magna foresta et de haia de Solesoef Dedi etiam pasturam animalibus suis in plano et in nemoribus meis et in haia et in mareis Dedi etiam porcis suis lapaisson in foresta mea et in haia de Selesoef sine pasnagio et ut porci eorum eant ubicumque mei ierint et similiter et Bruil de Hainevilla et in foresta de Columba decimam reddituum et pasnagiorum et lapaisson sine pasnagio et in villa de Columba decimam reddituum meorum in denariis et in omnibus aliis rebus Similiter in Castello Roche quod est situm in parrochia Columbe Dedi etiam eis tertiam partem eiusdem foreste et ad ignem suum stans nemus sicum et iacens in viride sicum Dedi etiam eis in omnibus maneriis meis ubi terre fuerint ad campartum ut medietatem garbarum camparti et decime habeant pro decima et ego aliam pro camparto Hec omnia supradicte et prefatam libertatem dedi ego monachis supradicte abbatie cum tenementis illis et possessionibus que tenuit ecclesia sancti Salvatoris in tempore canonicorum ut hec omnia possideant in perpetuum Et ne aliquis in posterum possit refragari aut resistere huic donationi et institutioni mee prece mea confirmavit signo suo hanc institutionem et donationem meam rex Anglie Guillelmus qui regnum Anglie bello adquisivit Hec sunt signa in testimonium Signum Roberti + comitis de Mellet Signum Mauricii + cancellarii Signum Guillelmi + filii Ansgoti Signum Henrici + de Belmont Signum Guillelmi + regis Anglie Signum Guillelmi + archiepiscopi Signum Nigelli + vicecomitis