Charter Document - 03770121

Ego Willelmus de Braiosa pro Radulfi Waldi filii Radulfique filii sui atque Gausfridi Rufi anima et pro meorum remissione peccatorum et pro genitoris genitricisque mee anima et pro Philippo filio meo unigenito voluntarie concedente atque pro parentum meorum animabus necnon pro Willelmo Anglorum rege ac pro Mahilde regina uxore sua et pro patrum eorum atque matrum animabus ac etiam pro filiis filiabusque eorum ut ipsi annuant hanc elemosinam Et siquis inde tortitudinem facere voluerit ei ad rectitudinem teneant in Dei omnipotentis Marieque virginis honorem beatissimis martyribus Gervasio et Protasio hylaris tribuo eorundem martyrum ecclesie totam decimam excepto omni meo lucro dominico molendinorum de Braiosa et telonei pasnagiique decimam lucum ad calefaciendum se et edificandum atque eorum homines suorum eorumque hominum porcorum pasnagium omnes suorum hominum consuetudines quietas excepto quod de eis mutuabo eisque solvam piscationum partem terciam per omnes aquas piscandi licentiam carruce unius terram cum pratis Apud Cortelles ecclesiam unius carruge terram molendinum quoddam sicut in dominio habebam Aput Scocetum de ecclesia hoc quod in dominio habeo De ecclesia de Seurai hoc quod in dominio habeo Ultra mare Scapuleie ecclesiam unius carruce terram cum bobus et animalibus que ei conveniunt in plano liberum pastum forestium et aquarum mearum consuetudines in terra Anglica sicut in Normannia denariorum meorum ultra mare decime dimidietatem et ultra mare et citra omnes suorum hominum consuetudines et servicia Et siquis meorum hominum aut dederit aliquid aut vendiderit annuo Ad hoc autem aput Braiosam et Radulfum carpentarium cum tota terra sua tribuo et ecclesiam sancti Nicholai de castello meo de Brembre et ecclesiam de Wassingatune et Animgadune cum duabus carrucis Hanc elemosinam totam mitto et concedo sancto Florentio eiusque abbati et monachis ad obedientiam eo pacto ut usque dum ecclesia perficiatur unus duove solummodo monachi eam edificent Postquam autem perfecta fuerit per abbatisque capitulique considerationem tot in ea monachi habeantur quot de rebus eius vivere potuerint Sed si hec elemosina per me aut per meos homines et amicos aut per quemlibet in tantum creverit ut abbatia esse potuerit per abbatis capitulique electionem imponatur abbas Donationis huius testes sunt Herbertus Gunduini filius Odo Rufus de Fraxineto Willelmus Godelini filius Radulfus Tustini filius Halselinus Rogerius Ponherius Hubertus Bonitus Ricardus de Molinellis Raginaldus coccus Unsel Mansellus de Punctello Alarius de Ponte Aldemeri Gaufridus de Falesia Ameline filius Gausbertus Bertranni gener Algherus eiusdem Bertranni filius Albericus faber Radulfus Landrici de Boceio filius Albericus sancti Florencii famulus Hoc autem factum est Radulfo Albaudo Goscelmo de Haia sancti Florentii monachis presentibus Scriptum hoc dictavit et linivit Primaldus eiusdem Braiosensis Willelmi capellanus In veneris die id est feria sexta feria que tunc temporis erat tercia ante Purificationem sancte Marie in sancti Georgii ecclesia de Baucarii villa annuit et confirmavit Willelm[us] rex Anglorum hanc meam elemosinam et Mahildis regina uxor sua eorumque filii Ad hanc annuitionem et confirmationem fuerunt hi Odo cunsul Hugo cunsul de Cestra Alanus Rufus Walterius de Meduana Henricus de Bellomonte Odo Gamelini filius Willelmus Puirellus Willelmus de Falesia Rogerius Bigotus Unfridus de Bohon Ricardusque eius filius Heunnius vicecomes Radulfus Terrerii filius Hauselinus Willelmus monachus Rodomensisque archiepyscopus Raginaldus regis capellanus Bernardus Uspachi filius