Charter Document - 03770119

Quisquis fidelium ardore succensus ad implende preceptionis evangelice qua cuncti divitias habentes misericorditer admonentur facere sibi amicos de Mammona iniquitatis a quibus cum defecerint in eterna tabernacula recipiantur necessitatibus communicare studuerit indigentium precipueque pauperum spiritu quorum iuxta veritatis vocem regnum dinoscitur esse celorum ut deficiens ab huiusmodi videlicet amicis in mansiones excipiatur eternas noverit se indubitanter non solum a sui receptione non esse frustrandum sed etiam ab ipso omnium bonorum largitore qui ei contulit unde sibi faceret tales amicos se esse inter gloriosiores beatitudinis eterne premia percepturum Qua salubri consideratione ego Ricardus sollicitatus disposui aliquid ex his que temporaliter accepi per manus pauperum omnipotenti Deo in hac vita committere quod post tempus in eterna retributione centena merear multiplicatione recipere quod ut probabilius fieri possit illud egregium genus pauperum elegi ad hoc faciendum quod se et sua relinquens propriisque abrenuntians facultatibus voluntarium subiit paupertatem Igitur fratribus his qui in Turonensi cenobio quod Maius Monasterium dicitur omnipotenti Deo sub Bartholomeo abbate famulantur auctoritate mei domini regis Wilelmi et domine mee regine Meheldis aliquid ex meis rebus que hereditario iure mihi contingunt et annuens concedo et concedens annuo iure perpetuo possidendum quatinus supradictus dominus meus rex et regina et filii eorum Rotb[er]tus videlicet et Guilelmus necnon et ego et mea coniux Gandelmodis et filii mei Rotb[er]tus et Guillelmus eorum qui elemosinis divine maiestati placuerunt mereamur adiungi consortio Ut autem quantitatis sive integritatis earundem rerum omnis procul pellatur ambiguitas earum nomina subter scribere curavi donando ecclesiam in honore sancti Vigoris constructam non longe sitam a fluvio qui appellatur Diva et omnia que pertinent ad ipsam ecclesiam et que videar habere in meo dominio et que alii videntur habere de me in parrechia prefate ecclesie tam presbiter quam ceteri homines data quoque licentia a me faciendi stagna prout oportunitas loci qui est non longe ab ecclesia exigerit Additur huic dono decima duorum molendinorum quamdiu mihi comes vita fuerit addito quoque uno modio annone per singulos annos ultra decima ipsorum molendinorum ad victum monachi in eodem loco consistentis et cum morte finiero medietas multure ipsorum molendinorum veniet in dominium sancti Martini Simili quoque modo concedo tantum terre quantum exigit exercitatio unius carruce ad totam suffitientiam per tres sationes necnon et decimam illius carruce quam tenet de me presbiter Gausbertus cum morte finierit et feriam que colligitur in supradicto loco annuatim ad festivitatem sancti Vigoris Que omnia sicut sunt per ordinem huius narrati onis digesta libera et quieta ab omni interpellatione calumnie facio ita ut ab hodierna die sine ulla vel mea cuiusquam successorum meorum contradictione supradicta congregatio sancti Martini et omnes abbates qui eidem congregationi pro tempore preerunt liberam potestatem habeant faciendi ordinandi et qualitercumque eis placuerit meliusque visum fuerit disponendi ea tam presentibus quam futuris temporibus Et ut hoc scriptum per cuncta annorum curricula vigorem perpetuitatis obtineat Wilelmus ille nominatus simul rex Anglorum filius Rotb[er]ti comitis manu sua firmavit fidelibusque suis corroborandum tradidit quorum nomina subscripta sunt Siquis autem quod absit ex heredibus nostris diabolice suggestionis instinctu huic scripto inferre calumniam temptaverit et prave voluntatis effectu iniustitie convictus obtinere non valeat et comiti qui pro tempore fuerit auri cocti libras decem coactus exsolvat + Signum Wilelmi regis Signum Maheldis regine + Signum Joh[ann]is archiepiscopi Signum Odonis episcopi Signum Gisleb[er]ti episcopi Signum Rotgeri de Bellomonte Signum Eudonis Aldu Signum Radulfi de Montepinzonis Signum Wilelmi de Archis Signum Walterii Giphardi