Charter Document - 03770106

Willelmus rex Anglorum Lanfranc archiepiscopo et Odo Baiocensi et Wulfstan episcopo de Wincestre et Vrsoni vicecomiti et omnibus baronibus totius Anglie Francis et Anglis et omnibus ipsius fidelibus salutem Sciatis me concessisse et dedisse Agilwio abbati abbatiam suam de Euesham et quicquid ad illam pertinet ut habeat ipse et omnes successores sui cum magno honore et pace ipsam cum terris cum hominibus et cum tali consuetudine et lege et libertate et soca et saca et toll et theam et onfanganeðeof intra burgum et extra sicut umquam aliquis antecessorum suorum et ipse melius et plenius habuerunt tempore regis Edwardi cognati mei vel antea Et volo et concedo pro redemptione anime mee ut ecclesia de Euesham habeat et teneat in perpetuum omnes terras et possessiones et libertates eiusdem ecclesie collatas et concessas et in cartis regum Edwardi videlicet et aliorum predecessorum meorum necnon et in antiquis preceptis eidem ecclesie conscriptas et confirmatas Ad hoc volo et firmiter precipio quod predictus abbas Agilwius et omnes successores sui et monachi de Euesham habeant et teneant in puram et perpetuam elemosinam hundredum de Fisbeorga cum omnibus que ad hundredum pertinent in legitima et libera proprietate et iustitia sua Videlicet quod nullus vicecomes vel eorum ministri inde se quicquam intromittant vel placitent vel aliquid exigant Et super hoc volo et firmiter concedo Deo et Sancte Marie de Euesham sicut rex Edwardus concessit antecessori Agelwii Mannio abbati et sibi ut sit in Euesham port et mercatum et habeat ipsa ecclesia in perpetuum omnes consuetudines ad opus suum quas ego habeo in omnibus portis et in burgis meis Concedo itaque ut in omnibus locis per totam Angliam emat cibum et vestimentum et quicquid necessarium fuerit sine tollo Testibus Gaufrido Episcopo et Eudone Dapifero Apud Wintoniam