Charter Document - 03770096
| Charter Number: | 03770096 |
|---|---|
| Cartulary Title: | Regesta Willelmi Conquestoris et Willelmi Rufi, 1066-1100 [Westminster] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1077 |
| Date type: | Internal, Event |
| Resource Link(s): |
TELMA - Traitement électronique des manuscrits et des archives SCRIPTA - Base des actes normands médiévaux |
Charter:
Ego Rogerius de Monte Gomerico fidelis domini mei Wilielmi Anglorum regis Normannorum et Cenomannorum principis ob amorem Dei et eiusdem domini mei et pro salute anime mee trado cenobio quod ab eo in burgo Cadomo in honorem beati Stephani constructum est burgum de Trum cum silva de Alge et cum terris et lundis et omnibus ad ipsum burgum pertinentibus exceptis molendinis et decimis que iam aliis ecclesiis concessi ea conditione servata ut quam diu ego vixero vel idem dominus meus aut uxor mea liceat michi si voluero ipsum burgum in meo habere dominio Post mortem vero meam vel domini mei aut uxoris mee deveniat in ius et possessionem prefati cenobii ut liberum sit abbatibus et monachis inibi Deo servientibus canonice ipsum disponere dare tenere et quicquid regulariter et secundum Deum utile de eo prospexerint adimplere Et ut certum hoc de reliquo fiat et in posterum dubitatio nulla remaneat concedo inpresentiarum domum Aiulfi Guirelli cum omnibus consuetudinibus de ea domo ad me pertinentibus tam de indigenis quam de extraneis mercatoribus in ea aliquid ementibus vel vendentibus seu aliquid unde commodum provenire soleat contrahentibus Hoc donum idem dominus meus sua auctoritate firmavit et in memoriam ipsius donationis viam que extra burgum ducebat per burgum ire concessit Testes Henricus filius Rogerii de Bello Monte Haimo Gislebertus Haretel et alii plures Hoc donum idem Rogerius in dedicatione ecclesie beati Stephani postea super altare tradidit concedente Wilielmo Anglorum rege Normannorum et Cenomannorum principe et filio suo Roberto Testes Lanfrancus Canturiensis archiepiscopus Odo Baiocensis episcopus Rogerus de Bello Monte et alii plures qui ei dedicationi interfuere Signum + Willelmi regis Anglorum Signum + Mathildis regine Signum + Roberti comitis Sign+um Alani comitis Signum + Willelmi comitis Signum + Hugoni comitis Sign+um Rogeri comitis de Monte Gomerico Sign+um Aucensis comitis Sign+um Enrici de Bello Monte Robertus + de Belesme Willelmus + Paganellus Gulferius + de Vilereit Homines Roberti de Belesme qui cum eo firmaverunt Testes qui huic firmatione interfuere Robertus comes de Moritolio Bernardus de Novomercato Hubertus de Portu Rodulfus Suhardus et alii plures