Charter Document - 03770076

Tempore Guillelmi regis et Odonis episcopi Baiocensis facta est carta hec anno Dominice incarnationis millesimo septuagesimo quarto indictione xii epacta xx concurrentibus duobus ciclo lunari viii Quoniam de presentibus ad futura de temporalibus ad eterna omnem hominem transferendum non dubito et de omnibus quecumque per corpus fiunt sive bona sive mala recepturum unum quemque in districto Dei iudicio que promeruerit non ignoro hec perpendens diligenter et compensans animo ego Guillelmus rex Anglorum et Normannorum dominus pro absolutione peccatorum meorum et pro regina coniuge mea Mathildi et pro filiis meis necnon et pro amore Baiocensis episcopi fratris mei Odonis sancte ecclesie Baiocensi in honore beate Dei genitricis Marie constitute dono terram que dicitur Plaisseiz quietam ab omni consuetudium exactione et omnia appenditia eius a parte Arleie per saltum sancti Georgii et per divisam Bunnie usque ad Montem de Lench a Monte Lench per cilium montis usque ad divisiones terrarum Herneisi Thessonii de hinc per callem publicum usque ad pontem Scollandi postea Droantia est terminus usque ad rivum qui cadit in Droantiam et dividit Lachi et Escures et tunc itur iuxta rivum usque ad divisam Montis Calvastri hinc a Monte Calvastro per divisas suas usque ad aquam que venit de Mesnil Osulfi deinde aqua ipsa est terminus continens intra terminum ipsum Mesnil Osulfi per divisas que sunt inter Mesnil Osulfi et Tornatorium usque ad Arleiam Deinde dono Adreium et dimidium Rinnii et terram Guimundi filii Rannulfi de Noiers et terram Hugonis Dorsi Raie et omnium qui participant ipsam terram cum eo de progenie sue de Fontanis et illam terram de Buissei que fuit Grimoldi et terram in qua mansit Grimoldus in civitate Baiocensi Que omnia olim tenuit supradictus Grimoldus et de quibus eidem sancte ecclesie quam supradiximus servivit Nunc vero quoniam ipse perfidus pro reatu infidelitatis sue et crimine insidiarum suarum quibus adversum me periuraverat ea iure iusticie sibi et heredibus suis perdidiit do illa sancte supradicte ecclesie in dominium quietum eiusque episcopo fratri meo Odoni omnibusque successoribus episcopis in futura tempora omnia ea prorsus intentione ut Deus pater omnium creator eiusque unigenitus filius dominus et redemptor noster Ihesus Christus amborumque amor et unitas Spiritus Sanctus in resurrectione sanctorum cum sanctis perenniter regnaturis partem mihi in gloria futura tribuat ipse trinus et unus Deus omnipotens et pius vivens et regnans per omnia secula seculorum Amen Hoc scriptum confirmo ego Guillelmus rex manu mea et coniux mea Mathildis regina et filii nostri Rotbertus et Guillelmus et principes regni mei ut sit firmum et ratum in omni futuro tempore adversus omnes calumpnias usque in finem seculi Amen Guillelmus rex Anglorum Mathildis regina Rotbertus comes Cenomannensis Guillelmus filius regis Johannis archiepiscopus Hugo Luxoviensis episcopus Gislebertus Ebroicensis episcopus Rogerus de Bellomonte Rotbertus comes de Moritonio Rogerus comes Salosberiensis Richardus vicecomes Nicholaus abbas Sancti Audoeni Girbertus abbas Sancti Wandregisili Durandus abbas de Troarz Vitalis abbas de Bernaio Rotbertus de Bellomonte Osmundus capellanus Guillelmi regis Osbertus Gisfardus Ricardus de Corceio Rainaldus de Nonant Radulfus de Montepincon Rotbertus filius Hamonis Baldoinus filius comitis Gisleberti Guillelmus Paganellus Gervasius de Danfront Eudo dapifer