Charter Document - 03770029
| Charter Number: | 03770029 |
|---|---|
| Cartulary Title: | Regesta Willelmi Conquestoris et Willelmi Rufi, 1066-1100 [Westminster] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1069 |
| Date type: | Internal, A.D. |
| Resource Link(s): |
SCRIPTA - Base des actes normands médiévaux |
Charter:
Regis regum Christi gratia largiente qui cuncta semper pio gubernat moderamine Willelmus dux Normannorum regnum adeptus Anglorum cum esset in villa regia que anglica lingua Gueritho dicitur consilio et suggestione fidelis sui Willelmi filii Osberni dapiferi qui comes erat palatii dedit Sancte Trinitati de Monte in perpetuam hereditatem terram que anglie Hermodesodes nuncupatur cum ecclesia et omnibus sibi pertinentibus scilicet in agris pratis pascuis molendinis aquis humectis silvis ceterisque hujusmodi eidem ville contiguis presente abbate Raynerio cum duobus monachis Nicholao et Guillelmo Hec donatio facta est per unum cultellum quem prefatus rex joculariter dans abbati quasi ejus palme minatus infigere Ita inquit terra dari debet Hoc ergo evidenti signo multorumque nobilium qui regio lateri astabant testimonio facta est hec donatio anno dominice incarnationis MLXVIIII Signum Willelmi regis Signum Matildis regine Signum Willelmi filii Osberni Signum Willelmi Episcopi Londonie Signum Goiffredi episcopi Constancie Signum Rotberti filii Guimar Signum Ricardi filii Torsteingoiz Signum Erfast tunc capellani postea episcopi Signum Hugonis de Sillevilla