Charter Document - 03770026
| Charter Number: | 03770026 |
|---|---|
| Cartulary Title: | Regesta Willelmi Conquestoris et Willelmi Rufi, 1066-1100 [Westminster] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1069 |
| Date type: | Internal, A.D., Feast, Regnal |
| Resource Link(s): |
SCRIPTA - Base des actes normands médiévaux |
Charter:
Willelmus Rex Anglorum Comes Nortmannorum atque Cinomannensium christi fidelibus ubique gentium Miserator et misericors Dominus patiens et multum misericors inter cetera sue miserationis precepta cum universa que possidet homo ultra quam dici potest compendiosa sint ad comparationem beatitudinis eterne precipit nobis ex his que jure possidemus indeficientes thesauros thesaurizare dicens Thesaurizate vobis thesauros in celo ubi neque erugo neque tinea exterminant Cujus precepti amore stimulati ego et collateralis mea Mattildis cum prudenti consilio procerum nostrorum pro salute anime nostre liberorum omniumque nostrorum ecclesiam de Derhest sitam in territorio et comitatu civitatis Gloecestre sancto Dyonisio cujus prerogativo apostolatu Gallie populus congratulatur cum omnibus sibi appendiciis conferimus sicut fideli nostro Balduino ejusdem sancti monacho inlustris antecessor noster rex Eadwardus suis propriis usibus dedit priusquam abbatiam Sancti Eadmundi cui nunc preest ab eodem susciperet et sicuti nos postmodum adepto regno ipsi concessimus Sit autem hec cum omnibus que ad ipsam pertinere dinoscuntur libera ab omni negotio Roboramus etiam hoc privilegio donum quod prenominatus rex eidem sancto pro nanciscenda mercede eterna contulit videlicet Teintuna cum omnibus ad se pertinentibus sancientes eam liberam sicut et hanc quam ipsi tribuimus quatinus nos et soboles nostra ipsius sancti precibus sociorumque ejus Rustici et Eleutherii adipisci mereamur prosperum presentis vite statum et eterne stationis portum Si quis autem ex hac nostra donatione quippiam diripuerit cujuscumque potestatis sit ex auctoritate Dei omnipotentis cum Dathan et Abyron similem sortiatur portionem nisi resipiscens satisfactionem et emendationem sancto fratribusque loci ipsius attitulatis exhibuerit Anno dominice incarnationis MLXVIIII Regni vero Willelmi Regis Tertio in secunda die Pasche firmatum est hoc privilegium in monasterio Sancti Spiddun apud civitatem Wincestre dum celebraretur missa his testibus consentientibus Ego Willelmus rex hanc nostram donationem et corroborationem signo agye crucis munivi Ego Mattildis regina ejusdem regis hoc mihi placere professa sum Ego Richardus regis filius patris et matris donum libentissime annui Ego Stigandus ecclesie Cantuariensis archiepiscopus confirmavi Ego Aldredus ecclesie Eboracensis archiepiscopus consedavi Ego Willelmus episcopus Lundonie Ego Arelricus episcopus Ego Hertmannus episcopus Ego Giso episcopus Ego Livricus episcopus Ego Odo episcopus frater regis consignavi Ego Goisfridus episcopus Sancti Laudi Ego Balduinus Ebroicensis episcopus Ego Ernaldus Cinomannensis episcopus Ego Robertus comes regis frater cum benivolentia consensi Ego Willelmus comes Osberti filius Ego Rotbertus comes Augensis castri Ego Rodulfus comes Ego Brien Ego Fulco de Alnoo Ego Henricus Ferrariensis Ego Hugo de Monteforti Ego Richardus filius Gisleberti comitis Ego Rogerus Divri Ego Haimo regis dapifer Ego Robertus frater hujus Haimonis Signum regine Signum regis Signum filii ejus Richardi