Charter Document - 03770024
| Charter Number: | 03770024 |
|---|---|
| Cartulary Title: | Regesta Willelmi Conquestoris et Willelmi Rufi, 1066-1100 [Westminster] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1068 |
| Date type: | Internal, A.D. |
| Resource Link(s): |
|
Charter:
Anno ab incarnatione Domini MLXVIII Willelmus comes filius Osberni dapiferi cum domino suo rege Anglorum Willelmo ultra mare profectus et ibidem aliqua egritudine detentus dedit Sancte Trinitati pro remedio anime sue consuetudines totius silve que Longum Bothel dicitur ut habeant monachi Sancte Trinitatis perpetualiter ex eadem silva quantumcumque sibi opus fuerit in proprios duntaxat usus videlicet ardendi edificandi porcos etiam pascendi copiam vel alia quelibet humane necessitati commoda Hec ergo prelibatus comes Willelmus Sancte Trinitati in perpetuam hereditatem contulit Willelmus quoque filius ejus postea ad nostrum locum veniens paterne donationi libentissime annuit Signum Willelmi comitis filii Osberni Signum Willelmi filii ejus Signum Willelmi Alis Signum Gozelini filii Ivonis Signum Durandi forestarii