Charter Document - 03770021
| Charter Number: | 03770021 |
|---|---|
| Cartulary Title: | Regesta Willelmi Conquestoris et Willelmi Rufi, 1066-1100 [Westminster] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1066 - 1067 |
| Date type: | Assigned |
| Resource Link(s): |
SCRIPTA - Base des actes normands médiévaux |
Charter:
Cuncti potentis Dei disponente gratia qui proprio regimine una cum Patre et Filio Spirituque paraclito totius cosmi monarchiam gubernare designatur qui humilitatis sancte boneque perseverantie studio sibi confidentes diligit ac salutare cum celibe vita munus impertit sine quo nil utilo nil firmum nichilque stabile est inventum qui a principio tempus iubet eundo minui et firmo terras federe nectit Ego Willelmus Normannie dominus iure hereditario Anglorum patrie effectus sum basileus Suscepto enim imperio regni mihi adversantes omnes evici et postmodum quod utilius anime haberetur excogitavi memor sententie salubris que dicit gratis sumpsistis cunctis impendite gratis nec mirum si Deo qui gratis dat quodlibet munus presentatur cum cunctis impendere scriptura testante iubeatur Hec impulsus et a consiliariis meis instanter admonitus quandam insulam beato Petro Gemmeticiensis cenobii contuli cui vocabulum est Hetlingee cum omnibus eius appenditiis Qui vero hoc nostrum donum aliter quam constituimus mutare presumpserit a sanctorum collegio sit alienus et si non emendaverit et ad satisfactionem venerit cum Juda proditore indesinenter Tartareos luat cruciatus Ecce huic dono testes interdicti ego Wivinus episcopus adfui + ego Weldief dux consensi + ego Willelmus minister adnui + ego Ingelricus ad hoc impetrandum obnixe studui +