Charter Document - 03750014

Notum sit omnibus presentibus et futuris Quod ego Hugo miles dominus de Mont Adreyt non vi non dolo inductus sed spontaneus et scienter recognosco et confiteor quod dominus Hugo de Dramelay pater meus de consensu meo et aliorum liberorum suorum dedit libere Deo et beate Marie et domui Vallecluse et fratribus ibidem servientibus ad usum animalium suorum pascua per totam terram suam et censum Et hoc scio et vidi [] in quadam littera confecta super hoc sigillata sigillo conventus sancti Eugendi Nichil ominis ad majorem firmitatem ego predictus Hugo dominus de Mont Adreyt [] pro remedio anime mee et uxoris mee et heredum meorum et etiam antecessorum item do et concedo libere Deo et beate Marie et predicte domui Vallecluse Cartusiensis ordinis et fratribus ibidem Deo servientibus ad usum animalium suorum pascua per totam terram meam et censum prohibens et deffendens specialiter heredibus meis et generaliter omnibus quibus possum ne contra recognitionem donationem dictorum pascuorum in toto ut in parte presumant aliquid attemptare Promitto insuper per sacramentum corporaliter prestitum per contra predicta aut aliquid de predictis non veniam per me aut per alium sed deffendam per posse meo dictam domum et suos super hoc fideliter contra omnes In hujus rei testimonium ego predictus Hugo dominus de Mont Adreyt rogavi affectuose virum venerabilem Gau priorem Gigniaci ut sigillum suum apponat huic carte in testimonium veritatis Et ego Gau prior Gigniaci ad preces et instantiam supra dicti Hugonis militis domini de Mont Adreyt in robur et firmitatem omnium predictorum sigillum nostrum presentibus duximus apponendum Datum mense junii anno Domini MCCLX nono