Charter Document - 03750013

Ge Humberts de Andelos fes asaveir à tos cex qui verront ceste presente charta que ge heu en lie per num de gagere à Poncet de Moysie donzel mon amé seignor la meitié de ce que ge tien de lui C'est à saveir la meitié del tenement Brocard del Eschavanes et del tenement Hugonet son frere liquel tenement sient el parochage de Dommartin et la meitié des appendices desdits tenements per sex libres de Vienneis dequelles ge me tiens per paies entierement en deniers contés Et de la meitié de dits tenements et de suppendices ge me suis devesti et en hai envesti ledit Poncet et l'en hai mis en bonne possession d'entre tant que ge li haie fait son granté pleinement de ladite pecuine C'est dit enliement halué et octroie et agreauté et confermé Guillaumins mes fix Et tant ge comme ledit Guillaumins havons promis per nostre propre sereement que nos havons fait sort saints évangiles corporalement et sor lengagement de tos nostres biens mobles et immobles que nos tiendrons en bonne paix aldit Poncet la meitié desdits tenements et des appendices contre toutes gens et porterons local guarentie contre toz chalengeours d'entre tant que nos li haurons fait son granté pleinement desdites sex libres en deniers contez Et havons renoncié en cest fait expressement et de dreite science et par la force de nostre dit sereement a tote action et a tote exception de tricherie et a l'esception de petit cage et que nos poissan guerre restitution et a tot bénéfice de dreit et al dreit qui dit que generaux renonciacions ne vaut et a tot quanque nos porrait valoir et profetier en aucune manière avenit en contre cestes devant dites choses ne autrui per nos et havons volu et otroié que ceste presente charta hait valor et force de commun instrument en totes cors et en tot jugement En tesmoins de laquel chose nos havons supplié mettre en ceste presente charta les saelz de discrez et religious homes frere Amers abbé del Mirour et frère Guion prieur de Monts Et nos frere Amers humilies abbé del Mirour et frere Guis prior de Monts devant nomé qui de totes cestes devant dites choses sumes certeins par la confession deldit Humbertz de Dandelos et deldit Guillaumins son fix a les preires expresses de cex meismes en ceste presente charta metons nostres saelz en la force et el tesmoignage de vérité Ce ha esté fait et doné en l'an de nostre Seignour qui corait per MCCLXVIII el meis de Fevrex