Charter Document - 03750012

Nos frater Guillelmus humilis prior Gigniaci totusque conventus ejusdem loci notum facimus universis presentem cartam inspecturis quod cum querelam deferemus contra Egidum dominum Bellifortis supra quibusdam terris nemoribus pratis cultilibus censibus tachiis decimis inferius expressis in quibus dominus Bellifortis vel alii homines sui per violentiam suam ecclesie Gigniaci injuriam faciebant ut dicebamus tandem de bonorum virorum consilio et de voluntate et de consensu utriusque partis pro bono pacis per formam permutationis inter nos et dictum Egidium est quedam amicabilis compositio celebrata videlicet in hunc modum Quod dictus dominus Bellifortis dedit et concessit in perpetuum ecclesie Gigniaci tertiam partem omnium decimarum in territorio et parochiatu Bellifortis que tertia pars decimarum ad dictum dominum jure hereditario pertinebat et de dicta decima dictus dominus Bellifortis se devestiens nos et ecclesiam Gigniaci corporaliter investivit Promisit etiam dictus dominus juramento super bec imposito corporali et sub pena trecentum librarum per stipulationem promissa fide jussoribus etiam super hoc datis in alia cartula advocatis dictam decimam liberare a feodo domini Coloniaci de laude et voluntate hujus domini cum ad etatem legitimam pervenerit vel perfectam Promisit dictus dominus Bellifortis sub religione prestiti juramenti quod faceret omnino cessare quos dam homines suos dictos Les Busses qui se asserebant collectores hujus dicte decime Bellifortis a receptione sive a jure colligendi si quod habebant tam in decimis ad ecclesiam Gigniaci in parochiatu Bellifortis pertinentibus quam in decima supra dicta et dicte receptioni sive juri colligendi penitus renuntiare Nos vero memorati prior et conventus Gigniaci in recompensationem decime supra dicte dedimus et concessimus in perpetuum dicto domino Bellifortis et heredibus suis legitimis quidquid juris habebamus vel poteramus in castro sive in territorio Bellifortis tam in terris quam in nemoribus censibus fructibus hostagiis et omnibus aliis exceptis illis que ad ecclesiam Gigniaci in ecclesia de Bellifortis ratione juris patronatus pertinere noscuntur et exceptis propriis vineis prioratus de Mesnay stantibus in territorio Bellifortis hoc etiam excepto quod prior de Mesnay possit uti frui dictis nemoribus Bellifortis quantum ei ad proprios usus necesse fuerit et quod possit piscari in aquis excepto stagno verumtamen ex dictis nemoribus minime vendere possit excepto etiam uno homine videlicet Jacquet Besuchet cum manso suo sive tenemento cum appenditiis qui mansus dicti Jacquet Mansus Monmorot appellatur conditione tali interposita et a dicto domino Bellifortis concessa quod dictus Jacquet vel alius loco illius in dicto manso ab ecclesia Gigniaci constitutus sit liber penitus et immunis ab omnibus collectis executionibus angariis et parangariis fructibus corporalibus sive pecuniariis nis de ipsius libera et spontanea pendet voluntate propter quod manutientione castri Bellifortis tempore guerre ad hoc quod possit in dicto castro refugere se et sua et tam manutentioni dicti castri tantummodo corporale auxilium exhibebit conditioni supra dicte tali adjecto moderamine quod ecclesia Gigniaci in dicto homine sive in alio constituto loco ipsius vel in dicto manso alium non possit ponere gardatorem Hec autem supra dicta et singula ad jus et proprietatem ecclesie Gigniaci pertinentia Nos supra dicti prior et conventus Gigniaci dedimus et concessimus dicto domino Bellifortis in purum et perpetuum feodum et in recompensationem dicte decime ut ipsum et heredes ipsius ecclesia Gigniaci propitios inveniat et fideles et in suis necessitatibus adjutores Pro dicto vero feodo dictus dominus Bellifortis nobis hommagium prestitit corporale Recognovit etiam dictus dominus Bellifortis sub fidelitate debita nobis specificando omnia supradicta que a nobis et ecclesia Gigniaci in feodum recepit per compensationem seu permutationem supra dictam ut ecclesia Gigniaci jus suum sive feodum minime ignoraret sed clarum et discussum transmitteret ad memoriam futurorum Recognovit itaque supra dictus dominus Bellifortis in mea presentia constitutus spontaneus non coactus non vi non metu non dolo inductus se tenere ab ecclesia Gigniaci in feodum supra dicta permutatione mediante quadam servitia que hostagia inscribantur que debebantur ecclesie Gigniaci ratione aquarum et nemorum quibus utuntur et fruuntur dicti habitantes in territorio Bellifortis Recognovit preterea se tenere ab ecclesia Gigniaci ratione supradicte compositionis seu permutationis medietatem tachiarum in nemoribus de Bellifortis prenentium usque ad fontem qui dicitur Bachicus et in manso es Armangiers duos cartales frumenti duos cartales avene et duos panes et unam cupam vini et in manso Girardi Fabri decem et octo Masticonenses et obolum et duos panes et unam cupam vini et humerum porci si mulctetur porcus in dicto manso Guidonis Fran ois unum quartallum avene et pro quodam curtili sito juxta vineam Armengier duodecim denarios et semium mansi es Bufes et quoddam curtile quod dicitur Curtile dotale et Combam Henrat et molendinum et stagnum Hec autem omnia et singula supra dicta recepit dictus dominus Bellifortis sub annuo censu quinque solidorum recipiendorum singulis annis in manso Humberti dessus roche ab ecclesia Gigniaci ad recognitionem omnium supra dictorum non obstante feodo sive hommagio controversia valeat suboriri sed quod pacis concilio factum est in pacis sede perseverat nos supra dicti prior et conventus Gigniaci presentem cartam sigillorum nostrorum caractere duximus roborandum Datum et actum anno Domini millesimo ducentesimo sexagesimo mense aprilis