Charter Document - 03750010

Noverint universi presentes litteras inspecturi quod cum discordia verteretur inter abbatem et ecclesiam sancti Eugendi ex una parte et dominum Hugonem de Cuisello et Pontium fratrem ejus ex altera super eo quod dictus dominus de Cuisel dicebat se habere usagium in quibusdam locis in potestate sancti Lupicini et in prepositura et quibusdam aliis querelis et super eo quod abbas et ecclesia sancti Eugendi calumniabantur dicto domino de Cuisel quod Castrum de Jure prope Estivax infra terminos eorum firmaverat et quibusdam aliis querelis Tandem omnes querele iste et alie hinc inde proposite mediantibus bonis viris Poncio videlicet abbati Balmensi et priore Ginniaci et Willelmo priore de Sarmasia avunculo ipsius domini de Cuisel et Humberto capellano de Sarroniaco Deo auxiliante eorum intuitu hoc modo sopite fuerunt et ad concordiam redacte Siquidem [] [Castri Jurensis concessio domino Cuiselli cum associatione de Etival] [] Ut autem hec supra dicta a sepe dicto domino de Cuisel et fratribus suis et heredibus eorum et ab abbate et conventu sancti Eugendi in perpetuum diligentius et firmius tenerentur concordatum fuit quod cartas fecissent per alphabetum divisas pars ecclesie sancti Eugendi sigillo Poncii abbatis Balmensis et prioris Ginniaci et sigillo domini de Cuysel sigillo prioris Valliscluse roboraretur pars vero domini de Cuysel sigillo ejusdem Poncii abbatis et sigillo Hugonis abbatis et conventus sancti Eugendi muniretur in testimonium veritatis Hec ego Poncius abbas Balmensis et prior Giniaci prout continetur in presenti pagina et Willelmus prior Sarmasie et Humbertus capellanus de Sarronie qui hujus rei fuimus compositores testificamus esse vera Nos Hugo abbas [] Actum est hoc apud Souciacum anno Domini millesimo ducentesimo tricesimo quarto