Charter Document - 03750007
| Charter Number: | 03750007 |
|---|---|
| Cartulary Title: | Histoire de Gigny |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1208 |
| Date type: | Internal, A.D. |
| Resource Link(s): |
|
Charter:
In nomine Dei omnipotentis Patris et Filii et Spiritus Sancti notum sit presentibus et futuris quod Petrus de Unos dictus filius Poncii de Unos recognovit laudavit et firmavit bono animo et bona voluntate bona fide et sine omni retencione pro remissione omnium peccatorum suorum et salute anime sue et omnium antecessorum suorum et totius sue posteritatis omnes donationes patris sui Poncii de Unos et suas quas pater ejus et ipse fecerant Deo et beate Marie de Valie Clusa scilicet omnem terram et prata que possidebant in territorio Verliaci et terram quam stagnum occupat et decimam et taschiam et omnia jura illius terre que possidebant et unum jornale terre in Fontanett Omnia illa supradicta Petrus de Unos dictus filius Poncii de Unos cum Willermo clerico de Unos cum Bernardo cum Hugone cum Umberto dictis filiis ejus et cum Reodulfo filio uxoris sue recognovi laudavi et confirmavi sine omni penitus retencione cum terris cum pratis cum decimis cum aquis et cum introitu et exitu cum omnis pertinentiis Petro priori de Valleclusa et conventui ejusdem loci presenti et futuro ut habeant et possideant libere et quiete in perpetuum Has omnes donationes supradictas predictus Petrus de Unos cum predictis filiis et filio sue uxoris feci et super sancta evangelia juravi cum predictis personnis Petro priori Vallecluse et conventui ejusdem loci coram Poncio priore Gigniaci et coram Ogerio priore Boni loci et coram aliis personnis clericis et laicis Hujus donationis testes sunt supradicti priores et supradictus conventus et multi alii Ad confirmationem hujus donationis ex assensu utriusque partis predictus Pontius prior Gigniaci et Ogerius prior Boni loci sigilla sua apposuerunt anno ab Incarnatione Domini millesimo ducentesimo octavo