Charter Document - 03741081

Nos capitulum ecclesie sancti Michaelis de Salinis notum facimus universis presentes literas inspecturis quod Hugo de Sovens miles et Perrecha uxor ejus in nostra presentia constituti dederunt et concesserunt in puram et perpetuam eleemosinam Priori et fratribus monasterii beate Marie de Castello super Salinas pro remedio animarum suarum et antecessorum suorum pratum de Molliron in territorio de Sovens ultra fluvium dictum Loa in loco dicto Sauges totum hinc et inde circa aquam mortuam Item dederunt quoddam casale quod dederunt Guidoni filio Ydelechi fabri de Ars Item et tertiam partem totius grosse decime parochie de Sovens et tertiam partem minoris decime ejusdem parochie cujus minoris decime Renaudus de Esclens percipit tertiam partem et major de Sovens aliam tertiam partem ut dicebant Item dederunt liberos Stephani dicti Becon de Fontenai cum ipso St et manso eorum Que supra dicta omnia ad dictum H de Sovens jure hereditario pertinebant ut dicebant Item dederunt Ydelechum fabrum de Ars cum heredibus suis et manso ipsorum ad dictam P similiter ut dicebant jure hereditario pertinentia Que omnia supra dicta ut confessi sunt coram nobis dicti H et P ab nullo domino tenebant Hec autem omnia supra dicta tali modo dederunt et concesserunt predicti H et P quod si alter ipsorum prius decedat reliqus propter concessionem predictam dicti prati de Molliron ad vitam suam tenebit medietatem campi dicti Predomengier qui campus est dicti monasterii de Castello et tenebit iterum medietatem dicti prati de Sauges Post decessum vero dictorum H et P campus et pratum predicti ad dictum monasterium de Castello revertentur libere et pacifice possidendi In cujus rei testimonium Nos predictum capitulum ad preces dictorum H et P presentes literas sigilli nostri munimine reddidimus roboratas Actum anno Domini millo CC qinqagesimo mense martio