Charter Document - 03740104

Nos Beatrix de Viannoys dame de Allay faczons sauoir a touz que grant descort et plait fust entre religieuses personnes frere Pierre de Champdyver priour de Ylay de l'ordre de Clunié dune part Et frere Jean priour de Bonlue de l'ordre de Chartousse dautre part Sus que lidit prior dilay demandoit audit priour de Bonlue la Chauz dite Lobere et les appartenances assises entre Bonlue et Ylay et avoit estée ventilée ladite cause par plusieurs années entre les Senanters desdits priours par devant discrete personne mons Michel de Chevrel cayenarrier nostre baillis Nos vouillant esparnier es depens desdits priours auons commis a discretes personnes cest assauoir a mons Alexandre de Nosserey chevalier et a meistre Vesin de Montagu cler tote la cognoissance de ladite cause [] En tesmoignage de ladite chose nos auons mis notre sceaul pendant en ces presentes lettres Donné lan de nostre seignour corrant pour mil CCC et vint et huit ou mois de oust