Charter Document - 03740100

Nos frater Stephanus de Castellione humilis sacrista Gigniacensis Notum facimus universis presentes litteras inspecturis Quod cum reverendus in Xpo pater ac dominus Huguo divina miseratione Bisuntinus archiepiscopus administrator generalis tunc temporis illustrium puerorum Johannis de Chabilone comitis autissiodorensis et tornodorensis dominique Rupisfortis et juhannete sororis ejus Dominus Huguo de Neblans Dominus johannes de Prusilliaco milites tutores eorum puerorum et frater Guido de Gy ordinis fratrum minorum exequtor testamenti illustris viri domini Johannis de Chabilone comitis autissiodorensis et domini Rupisfortis defuncti Nobis et successoribus nostris in perpetuum reddiderunt unum mansum situm in villa de Marisinel in parochiatu de Chamberye cum omnibus pertinenciis suis et cum duobus jugeribus terre spectantibus ad eundem mansum qui vulgariter mansus filiorum johannis de Marisinel cum tenementorum juribus pertinenciis et appendiciis dicti mansi universis ubicumque et quibuscumque nominibus censeantur spectantem et pertinentem ad officium Sacristanie Gigniacensis quem acquisivit frater Giraldus quondam sacrista Gigniacensis ad opus sacristanie Gigniaci Quem mansum prefatus illustris vir dominus Johannes de Chabilone defunctus ad manus suas per longua tempora applieaverat Nos vero precedens frater Stephanus humilis sacrista supra dictus non vi non dolo non metu ducti nec ab aliquo circumventi sed consideratis quam plurimis honoribus graciis et liberalitatibus nobis et officio Sacristanie nostre supervenisse a predicto illustri viro domino Johanne de Chabilone comite autissiodorensi et domino Rupisfortis defuncto factis ex certa sciencia promittimus bona fide et sub voto religionis nostre quod fieri faciemus in conventu Gigniaci annis singulis in perpetuum duo anniversaria pro remedio anime predicti defuncti antecessorum et successorum suorum videlicet unum tercia die Natalis domini et aliud tercia die nativitatis beati Johannis baptiste annis singulis in perpetuum Et promittimus bona fide ac sub voto predicto reddere et solvere pro quolibet duorum anniversario orum annis singulis in perpetuum conventui supra dicto triginta solidos bonorum Viennensium pro pidancia et nomine pidancie Quas pecunie summas nos predicto conventui assedamus adlocamus et etiam assignamus supra mansum nostrum situm ut dictum est in villa de Marisinel et supra duo jugera terre spectantia et pertinentia ad dictum mansum et in perpetuum Et ad hoc obligamus nos et successores nostros in perpetuum specialiter et expresse In cujus rei testimonium nos predictus sacrista sigillum nostrum prescutibus literis duximus apponendum Et rogavimus et requisivimus virum venerabilem ac religiosum dominum dominum Mayolum Rebucini priorem Gigniaci totumque ejusdem loci conventum ut singula sua presentibus litteris apponant una cum sigillo nostro in robur et testimonium veritatis omnium premissorum Et nos predicti prior et conventus qui in hoc nos consentimus ad preces et requisitionem predicti sacriste sigilla nostra presentibus litteris duximus apponenda una cum sigillo suo ad majoris vinculum firmitatis Datum et actum die martis post ramos palmarum anno domini MCCC decimo mense aprilis