Charter Document - 03740094
| Charter Number: | 03740094 |
|---|---|
| Cartulary Title: | Histoire de Gigny |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1279 |
| Date type: | Internal, A.D. |
| Resource Link(s): |
|
Charter:
Nos frater Guillelmus humilis prior Gigniaci totusque ejusdem loci conventus notum facimus universis presentes literas inspecturis Quod nos cum plena et sana deliberatione confitemur et recognoscimus legitimam illam custodiam quam vir bone memorie Johannes quondam comes burgundie et dominus Salinensis ac ejus predecessores in ecclesia nostra Gigniacensi cum suis pertinenciis sine prisia seu exactione aliqua hactenus habuerunt eodem modo legitime pertinere ad nobilem virum dominum Johannem de Cabilone comitem authisiodorensem ejusdem filium cui eandem predictus pater suus in sua bona memoria tradidit et concessit eumdemque fuisse post modum et esse in possessione pacifica de eadem Quam quidem legitimam custodiam sine prisia seu exactione aliqua per se vel per alium faciendam nobis personis et rebus ecclesie nostre in posterum fideliter exhibere et bona et res ecclesie nostre pro posse suo legitime custodire In cujus rei robur et testimonium sigilla nostra presentibus litteris duximus apponenda Datum anno MCC septuagesimo nono mense januarii