Charter Document - 03740085
| Charter Number: | 03740085 |
|---|---|
| Cartulary Title: | Histoire de Gigny |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1255 |
| Date type: | Internal, A.D. |
| Resource Link(s): |
|
Charter:
Nos G prior Gigniaci et A prior Valliscluse Cartusiensis ordinis notum facimus universis presentes litteras inspecturis et nos nobilis vir Johannes dominus de Marrigniaco natus nobilis viri J comitis Burgundie domini Salinensis laude et consensu nobilis mulieris B uxoris sue et filiorum ejus Hugonis videlicet et Johannis spontaneus et ex certa sciencia non vi nec dolo inductus ad hoc vendidit et tradidit religioso viro L abbati sancti Eugendi nomine ecclesie sue Sancti Eugendi tertiam partem ville et territorii de Nermiez cum pertinenciis et hominibus universis terris aquis nemoribus justiciis et rebus aliis quocumque nomine censeantur ad dictam tertiam partem spectantibus et generaliter omnia illa que habebat in dicta villa et territorio seu habere poterat modis omnibus ut debebat que omnia ad dictam ecclesiam ratione feodi pertinebant pro quatuor viginti et decem libris Stephaniensibus quas ab eodem abbate recepit Idem Johannes habuit totaliter integre in pecunia nummata prout idem Johannes confessus est coram nobis qui de dicta villa se devestiens dein abbatem nomine sue ecclesie investivit [] In cujus rei testimonium ad preces predictorum in presenti carta contentorum ipsam roboravimus una cum sigillo ipsius Johannis nostrorumque munimine sigillorum Datum IIIJ idus octobris anno Domini MCC quinquagesimo quinto