Charter Document - 03740064
| Charter Number: | 03740064 |
|---|---|
| Cartulary Title: | Histoire de Gigny |
| Charter Language: | Latin |
| Charter Origin: | Religious |
| Charter Type(s): | Restitution |
| Date: | 1198 |
| Date type: | Internal, A.D. |
| Resource Link(s): |
CCE: cartae cluniacenses electronicae |
Charter:
In nomine Domini nostri Jesu Christi anno incarnationis Dominice MCLXXXXVIII Ego Rainaldus prime Lugdunensis ecclesie minister humilis Stephanus ejusdem ecclesie Decanus et Josserannus abbas Insule Barbare cognitores cause ex delegatione Summi Pontificis que inter Dominum Nantuellinum Gebennensem episcopum ex una parte et Cluniaci et Sancti Eugendi monachos ex parte alia vertebatur Ex eo quod idem Episcopus in quibusdam capellis quas eorum monasteria in Gebennensi episcopatu habent sine assensu et presentatione ipsorum instituit capellanos cum ad prescripta monasteria de jure communi presentationem pertinere idem monachi constanter affirmarent Visis et auditis allegationibus utriusque partis et attestationibus cum summo labore et sollicitudine et virorum prudentium habito consilio Electionem et presentationem Capellanorum in his Ecclesiis eisdem monachis adjudicavimus scilicet Monasterio Sancti Eugendi in ecclesiis de Seyssiaco et Neviduno et Episcopum Gebennensem ad restitutionem gagerie quam habebat in Venna ab eadem Ecclesia ix libris prius ei solutis condemnamus Monasterio Nantuaci in ecclesiis Rumilliaci Ingiaci Gigniaci Talussiaoi Ameysiaci Viriaci parvi Chavornay Passini Romagniaci Breno Albergamenti Corcelles Chandore Chantré Serrieres Arlos Dorches Ville Billiaci et de Chanay electionem et presentationem adjudicavimus Monasterio Sancti Victoris in ecclesia de Chillonay et ad restituendam gageriam quam eadem Ecclesia a comite habebat [in Venna] prefatum episcopum condemnamus Monasterio de Paterniaco in Ecclesia de Tela Monasterio de Condamina in ecclesia de Thies electionem et presentationem similiter adjudicamus [et capellam novam eidem si termini qui sunt ab Espervia versus Condaminam capellam inter se contineant] Episcopo vero Gebennensi electionem et presentationem capellarum in hiis Ecclesiis adjudicamus in octo Ecclesiis de Boges scilicet Sancte Radegundis Secle Jarsiaci Castellaris Monte Capella de Certy Allioni et in Ecclesiis de Fringe Choella Chomonteti Castellionis Sallanchie et Sancte Marie de Ripa