Charter Document - 03740063
| Charter Number: | 03740063 |
|---|---|
| Cartulary Title: | Histoire de Gigny |
| Charter Language: | Latin |
| Charter Origin: | Royal |
| Charter Type(s): | Mandate |
| Date: | 1195 |
| Date type: | Internal, Regnal |
| Resource Link(s): |
|
Charter:
Ricardus Dei gratia rex Anglorum Dux Normannie Aquitanie comes Andegavensis Archiepiscopis Episcopis Abbatibus Comitibus Baronibus Justiciariis Vicecomitibus Senescallis Prepositis et omnibus ministris et fidelibus suis salutem Sciatis nos concessisse et presenti charta nostra confirmasse Deo et ecclesie beati Taurini primi Normannorum episcopi pro salute anime nostre et antecessorum et successorum nostrorum donationes quas antecessores nostri suo tempore et barones eorum eidem ecclesie fecerunt Que donationes et qui eas donaverunt in presenti charta subscribuntur Ricardus filius Willelmi dux Normannorum qui abbatiam in honore Sancti Taurini Ebroicensis instituit hec que subscribuntur de dominio ipsi Sancto donavit scilicet decimam telonei Ebroicensis civitatis et vicecomitatus et hospites in eadem villa cum libertate et burgum ejusdem ecclesie propinquum soli ecclesie serviens et terram cum aqua et in silva sua ligna ad omnes usus monachorum necessaria et pastionem ad suos proprios porcos et ibi prope villam que dicitur Patervillam et dimidiam terram Istielmaisnillam cum dimidia parte ecclesie Sancti Aquilini et in Ebroicensi pago [] Hominibus quoque dedit tantam libertatem in curia Sancti Taurini quantam suis hominibus in sua curia in pago quoque Constantini [] et liberas consuetudines per totam terram suam et in festivitate Sancti Taurini nundinas totius civitatis et omnes illius diei consuetudines Willelmus de Paceio Mathildis filius pro sua et parentum suorum et dominorum absolutione [] Data apud Vallem Radolii xv januarii per manum Willelmi El episcopi cancellarii nostri anno sexto regni nostri