Charter Document - 03740060

Anno ab Incarnatione Domini MCLVII qui primus erat Hugonis dominationis qui de humili monacho in magnum abbatem Cluniacensem sublimatus est villa Gigniacensis que per multa annorum curricula sub protectione sanctissimorum confessorum Taurini Aquilini et Deo date virginis Florentie immunis ab incendio a peste et a tempestate fuerat quam terribilia sunt judicia Regis seculorum et recte vie ejus veris argumentis agnovit Aquilone namque vento gelido et sicco vehementius solito perflante flamma vorax de scintilla ignis concreta quamdam domum in eadem villa combussit et inde globatim erumpens a leva et a senestra parte et ante sitas domos et queque obvia excrevit in favillam et cinerem redegit Officine monachorum inibi nocte et die devote Deo servientium que religioni colende plurimum idonee erant similem sententiam destructionis susceperunt et penas divine permissioni aut voluntati dederunt et que prius erant ad honorem et decorem habitantium verse sunt in stuporem et dolorem intuentium Sic pariter villa cum officinis in vastitatem tanquam eremi redactis habitatores earum nimia tristitia affecti sunt et tanquam spe vite amissa quid facto opus eis esset quid consilii inirent nesciebant Fuerunt inter quos quidam fidei magne quorum forte corda Deus inspiratione sua sic tetigit ut profiterentur super tanta calamitate ad suffragia sancti Taurini debere conversum in Noverant enim ab ejus pietate multa sibi beneficia prestita multaque solatia in visceribus misericordie ejus reposita possibile esse ut tanti patroni meritis villa et officine fratrum a presenti possent resurgere ruina et ad priorem vel ad meliorem statum revocari Unde in commune decernunt ut unicum suum refugium B videlicet Taurinum qui per crebra miracula plurima eis compulerat beneficia votis sedulis adirent et tanquam dormientem precibus sedulis et orationibus continuis excitarent Placet omnibus quod communis dictat oratio et sanctum Dei per regiones circumpositas deferendum dignum credunt ut devotio credentium augeretur et infirmorum cura ve medela proveniret Hac igitur spe ducti ne seducti fratres quibus nulla nota suspicionis erat quibus honestas reverentiam comparabat de multis paucos quosdam eligunt quos tam sancto operi preponunt Illi reserantes conscientiam confessione et legentes si qua eis inheserat reprehensionis penitentia capsam in qua sanctissima pignora continentur susceperunt Egressi villa sine magno pondere per loca meticulosa et periculosa sine timore et periculo Cluniacum usque veniunt Domnus abbas Hugo vir satis humilis in oculis suis comperto adventu gloriosi confessoris exultat in Domino precipit totam villam obviam procedere monasterium Cluniacum omni studio omnibus ornamentis suis adornari [] Fit letitia insolita populo fit gaudium spiritale in conventu illo venerando [] [Deinde multa narrantur miracula] Ejus continuatio Lugdunum usque