Charter Document - 03740059

Notum sit omnibus quod Fratres de Miratorio reddiderunt domui Cluniacensi mediantibus Dominis Eraclio Lugdunensi Archiepiscopo Apostolice Sedis legato et Henrico Wintoniensi Episcopo undecim millia solidorum Lugdunensis monete pro X et vii millibus solidis de quibus domus predicta Cluniacensis ab illis de Miratorio investiri preceperat pro omnibus decimis quas Gigniacenses exigebant Dictum est quod fratres de Miratorio LXX solidos Ledonensis monete eis annuatim persolvant et pro his de iis inter eos perpetuo pax permanebit De pascuis dictum est quod illi de Miratorio pascua in terris Gigniacensibus sine damno eorum bona fide interveniente habeant Similiter monachi Gigniacenses de propriis animalibus pascua in terris de Miratorio habeant Si quis etiam Gigniacensis aut ab ecclesia illa egressus vel alius quispiam potestati eorum subditus illis de Miratorio damna vel injurias inferret ipse Prior Gigniaci et alii fratres illum ad restitutionem damnorum vel injuriarum bona fide compellent si vero malefactor ille penitus a potestate Gigniaci recederet et postea aliquis hominum suorum tam clericorum quam laicorum eundem suscipere vel ipsi auxilium prebere seu etiam consulere causa malignandi reperiretur Prior Gigniaci cum aliis fratribus receptatorem vel consulatorem illum ad restituenda damna coerceret Postquam etiam a potestate eorum foret penitus egressus Domini archiepiscopus Lugdunensis Episcopus Wintoniensis abbas Cluniaci Prior Gigniaci et sui ipsum graviter bona fide usque ad satisfactionem persequerentur Similiter illi de Miratorio Gigniacensibus de suis facient de terris vel querelis quas Gigniacenses et Fratres de Miratorio hinc inter se habent Dictum est quod attestatione bonorum virorum si fieri possit conveniant ut ubi unusquisque jus suum recipiat Si autem inter se in aliquo convenire non possint ante dominos Lugdunensem archiepiscopum et Henricum Wintonensem episcopum ad terminandam querelam remearent Hoc itaque totum tam Cluniacensis conventus quam Gigniacenses necnon et Miratorienses laudaverunt et fieri concesserunt Factum est etiam laudantibus et confirmantibus Dominis E Lugdunensi archiepiscopo Apostolice sedis legato Henrico Wintoniensi episcopo P Cluniacensi et E Miratoriensi abbatibus et G Priore Gigniaci quod et omnium sigilla presenti charte inserta declarant Hec autem facta sunt anno ab Incarnat Domini MCLV VI non martii confirmata in capitulo Cluniacensi