Charter Document - 03740049
| Charter Number: | 03740049 |
|---|---|
| Cartulary Title: | Histoire de Gigny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1100 |
| Date type: | Internal, A.D., Calendar |
| Resource Link(s): |
|
Charter:
Paschalis Episcopus servus servorum Dei venerabili fratri Hugoni Cluniacensi abbati ejusque successoribus regulariter substituendis in posterum Zelus Domini et religionis prerogativa qua per universum fere Occidentem nostris temporibus per Dei gratiam congregatio vestra precelluit et inconcussa unitas qua inter procellas omnes sedi apostolice adhesistis mansuetudinem nostram vehementius exhortantur imo urgent atque compellunt ut vestris petitionibus assensum accomodare et quieti vestre in posterum providere sollicitius debeamus Quapropter quidquid libertatis quidquid tuitionis quidquid auctoritatis predecessores nostri ecclesie Romane pontifices presertim apostolice memorie Gregorius VII et Urbanus II vestro monasterio et locis ad id pertinentibus contulerunt nos quoque presenti decreto autore Domino confirmamus ad hec adjecimus ut omnibus prioratibus et cellis que nunc sine proprio abbate vestro regimini subjecte sunt nullus unquam futuris temporibus abbatem ordinare presumat sed tam prioratus ipsi et celle quam et cetera in quibuslibet locis omnia de quibus Fraternitas tua Arvernensis concilii quod per supra dictum Urbanum pontificem celebratum est tempore investita erat de quibus tunc nulla questio mota est cui nimirum concilio per temetipsum interfueras tam tibi quam successoribus tuis in pace semper et quiete serventur in quibus hec propriis visa sunt annotanda nominibus Sancta Maria de Charitate de Martiniaco Sanctus Petrus de Munsiaco S Petrus de Leniciis S Paulus de Pergamo S Isidorus de Hispania S Odylus de Scarrione S Marcellus de Salsiniaco S Marcellus de Cabilone Caruslocus Paredus Romanum monasterium S Victor de Gebenna Paterniacus S Saturninus de Provincia S Eutropius S Martinus de Campis S Martinus de Auxia Monasterium de Caceriis S Maria de Tolosa Boort Tirinus Sylviniacus Virgenus Ginniacus Nantuacus S Pangratius de Anglica S Licerius de Bigorro S Orientius Ausciensis S Maria de Nazara S Jacobus de Potino S Gabriel de Cremona S Salvator et S Stephanus de Niverno Precipimus etiam ut omnes ecclesie seu capelle vestre et cimiteria libera sint et omnis exactionis immunia preter consuetam episcopi paratam justitiam in presbyteros si adversus Ordinis sui dignitatem offenderint exceptis nimirum ecclesiis illis que absque hujus modi subjectione in abbatis subjectione subsistunt [] Datum Anagnie per manus Johannis S R E diaconi cardinalis XVII kal dec Indictione VIII Incarnationis dominice MC Pontificatus autem Domini Paschalis pape secundo