Charter Document - 03740048

Omnibus Christianis presentibus et futuris notum fore cupimus quod quidam vir illustrissimus Nantelmus nomine laudantibus Humberto comite et Vuidone Genevensi episcopo construxit ecclesiam ad honorem Sancte Dei Genitricis Marie in allodio quod dedit ei comes Humbertus in loco qui nunc Bellevalles dicitur qui supra villam Boggarum que Scola nuncupatur situs est quem assensu supra dictorum Comitis et Episcopi Beato Petro Gigniacensi tradidit et congruas atque utiles officinas ad serviendum Domino et monastice vivendum ibidem instituit Huic itaque loco vel ecclesie et habitatoribus ejus de rebus propriis et possessionibus diversis in locis plurimum largitus est In Boggis decimas ecclesiasticas ad integrum et honores quos tenebant Pontius et Joscellinus presbyteri in villa que Esparniacus dicitur mansum unum super Rupem ad Lietheras campum unum ad Fontenilum pratum unum et campum unum in colle contaminam unam de manso Curtine octavam partem quam tenebant Willermus et Durandus fratres apud Scholam graneam unam eum adjacente ortu preterea terram de Salice sicut rivus eam dividit et ab ipsa terra omnes valles a fluvio usque ad Alpem clusam a vertice secunda montis mini sicut aque dependent versus vallem per Saltum Andree usque ad magnam rupem super Yrindinariam sicut pendet versus vallem et totam Alpem Alminam cum omnibus appenditiis suis apud Castellarium molendinum unum ad Motam mansum unum Item in Scola illam partem decimarum quam tenuit Burno de Arnis apud Rotas tertiam partem decimarum ultra fluvium Cheran tertiam partem similiter Item Mabos fratrum novem bissellos fabarum censales in Savoia Apud vallem que Crosa dicitur dimidium mansum quam tenebat Bernardus Andree apud Sanctum Johannem vineam unam et curtile unum Item possessionem quandam quam emit a tribus sororibus Girardi Apud Alodia vineam unam juxta Bernardi domum ibidem terram quam emit ab Emena de Mediolano in loco qui vocatur Cantat Merulus duas canaverias decimam et tredecimam de propriis laboribus tam in vino quam in annona In Milleriis mansum unum quem tenebat a Conone Maurianensi episcopo laudante eodem Apud Voltas clausum unum vinearum cum terra appendente eidem Hec dedit vir predictus Nantelmus domui Dei et beate Marie que sita est in Bellis vallibus et habitatoribus ipsius loci tam presentibus quam futuris pro remissione peccatorum suorum pro remedio anime patris sui Guilfredi et matris sue Item benevolentie sue exhortationibus dedit prefate ecclesie Amblardus dimidium mansum prope rupem Witfredus nepos ejus tertiam partem decimarum suarum ab Histrione fluvio usque ad Cheran quod censum ecclesiarum duarum Castellarii scilicet et Mothe Emma decimam quam apud Compostam et Dulciacum tenebat Vuillermus ad Sanctam Redegundam duas partes decimarum unius mansi Ipse nobilis comes Humbertus piscationis unum diem omni septimana donavit in lacu Arvorum Banni infractum et legem de omni foris facto quod facient homines Sancte Marie verbi gratia si homo Sancte Marie firmaverit duellum et ceciderit Monachi habebunt legem item emendationem victi sui hominis si percusserit aliquem vel fecerit alicui quod non decet percusso de injuria rectum faciet et Priori legem quam solebat dare homo Sancte Marie dabit vel quicumque alius de suo allodio idem de Consulari Fisco dedissent vel daturi essent Laudavit ut omni tempore sicut liberum et proprium allodium prefata ecclesia et habitatores illius possiderent jure perpetuo et in silva super Voltas pascuare ad Dominicos porcos et materiam ad faciendum Dominicum clausum quod est apud Voltas et ad cellarium et torculare idem Actum est hoc in eadem ecclesia dum consecraretur a catholicis viris Bosone Tarantasiensi Archiepiscopo et Bosone Augustensi episcopo necnon Conone Maurianensi pontifice qui peractis missis cum gradum ligneum qui ad hoc officium diligenter et eminenter ante monasterium fuerat preparatus pariter ascendissent videlicet ut ex eo populo qui ex diversis partibus ad consecrationis benedictionem multus confluxerat verbum Domini et Salutis monita loquerentur coram omnibus hanc donationem confirmaverunt et quicumque super his que in ea continentur vim aut injuriam deinceps monachis vel habitatoribus ipsius loci facere violentiam aut insuper scriptam donationem violare