Charter Document - 03740038

Anno ab incarnatione Domini [D]CCCLXXXXVIII Indict VIII Cum convenisset Ermengardis Regina et cuncti principes Ludovici filii Bosonis in loco qui dicitur Varennas ad Placitum accesserunt ad ejus presentiam monachi de Gigniaco monasterio Berno videlicet abbas aliique sub ejus regimine positi conquerentes et monachili humilitate conclamantes quod Bernardus ejusdem Regine vassalus eorum res injusto ordine invadendo possedisset hoc est Balmam cellam quam olim a Rodulpho rege per preceptum adquisierant Quod tam benignissima et venerabilis regina quam omnes undecumque confluentium locorum principes diligenter attendentes diligentiusque audientes predictumque Bernardum in medium vocaverunt et cur easdem res teneret interrogaverunt Ipse autem respondit per donum Ludovici predictas res se tenere credere Cujus responsionibus nec Regina consensit nec alii consentire dignum fore dijudicaverunt Et tunc ipse per jussionem regine jam dictum locum in presentia omnium inverpivit et ut ultra easdem res non invaderet spopondit Tunc his ita expletis jussit Dominatrix Regina tam Abbatibus quam Fratribus ceteris hanc firmitatis scribere notitiam ut nullo deinceps contradicente prescriptum locum quieto teneant ordine et ut hec notitia manere valeat firma per multorum temporum curricula manu propria manibus tam Episcoporum quam Procerum undique confluentium firmavit affirmarique rogavit et Bernardi qui inverpituram istam fecit S Ermengardis regine que fieri jussit et firmari rogavit S Rostagnus Archiepiscopus Arelatensis S Andradus sancte Cabilonensis Ecclesie Episcopus S Isac Gratianopolicensis Episcopus Richardus gloriosus comes firmavit Vindo comes firmavit Vigo comes firmavit Adelelmus comes firmavit Ratterius comes firmavit Teubertus comes firmavit Ragenardus comes firmavit Ansigis firmavit Rainbaldus numiculator firmavit Gormarus firmavit Adelardus firmavit Actum Varenna