Charter Document - 03740024

[] Adegrinus miles qui inter consiliarios Fulconis comitis Andegavensis nobilissimus et magnus erat [] abrenuntians omnibus que mundi erant apud beatum Odonem sese faciens tonsorari mentem simul comam et habitum bonam commutationem deposuit Induit sibi vestem religionis canonice et socius futurus mercedis in agone Christi militi collaborat Habitabant simul et sub eodem cellule strictioris articulo tenebantur [] Non multum spacii fuerat interjectum cum ambo majori ad celestia desiderio sublevati ad aggredienda majora devotiori rapiuntur affectu [] Procedunt pariter ex condicto per Gallias domos religionis circumeunt monasteria visitant ut ubi amplior fuerit ordinis rigor sui propositi metam figant Non invento ubi requiesceret pes eorum hujus negotii gratia Romam ire si forte in via reperiant ubi eorum desiderium finem sumat pari alacritate consentiunt Iter accelerant maturant negotium et ad monasterium quod vulgo Balma dicitur in Burgundia Lugdunensi perveniunt Preerat Balmensi cenobio Berno abbas vir in omnibus honeste agens qui vigorem discipline quem ab Euticio loci fundatore susceperat successor virtutis illius egregie sequebatur Erat magni nominis locus ille ubique cenobialis ordinis et fervere censuram et mutuam esse habitantium honestatem sententia communis erat Suscepti more hospitum exploratores virtutum qualitate discipline et ordinis veritatem cum fidelibus oculis cum veridicis assertionibus huriebant Quod palam querere verecundie illis fuit familiaribus scrutiniis extorquebant Bona visa est et secreta loci positio Sed honestas habitantium et censorius ordinis rigor ipsa positione plus placuit Utriusque deliberatio data est in consensum ut ubi perpetuo militaturi celeste cingulum sibi assumant Indoluit antiquus hostis [Demon] [] Secreti vocati hospites cautissime deducuntur in partem et ut consilium salutis sue patientius audiant simulatio venenata deposcit [] Difficillimum quod ambiunt in terra aliena et silvestri Sub homine barbaro et immitti monachatum induere quem cum eos penituerit assumpsisse deponere ipsi non possint Ita esse inhumanam et crudam Bernonis illius barbariam ut predo non monachus tyrannus non pater gladiatorius et carnifex non corrector aut nutritius haberetur Probris verbera plagas verberibus admovere nec intendere profectibus filiorum sed penis eorum et mortibus solitum satiari se in proximo discessuros quia sub eo locum quietis et salutis invenire non possent Animadvertit illico venerabilis Adegrinus in verbis astutie latentes dolos [] non fugiendum jugum [] Ingressu precibus impetrato ad societatem fratrum regulariter admittuntur et initiali professione premissa in veram Christi plenitudinem transformantur [] Suscepto habitu monachi beatus Odo [] Quia vero pietate et munditia specialius eminebat visum est abbati ejus puerilem scholam Odonis providentie posse committi [] Presidebat tunc temporis regende Aquitanie dux Guillermus virtute conspicuus et potens armis [] Consilium fuit illi monasterium construere monachis [] et Berno abbas ducis litteris invitatus presentiam suam intulerat curie triumphanti [] Dux Guillermus Bernonem abbatem in oculis omnium advocat et in manu ejus Cluniacam vallem cum adjacentiis que in territorio Matisconensi alodii jure possideat solemni donatione reponit Testamentalibus etiam litteris premissam donationem et ab omni persona tam ecclesiastica quam mundana quietissimam libertatem privilegii more consignat Acceleratur opus fundamenta jactantur edificia conficiuntur ut desiderii sui post tempora longa complendi vel initia unius adspiciat Bernonem abbatem quoad viveret futurum Cluniacensi cenobio constituit provisorem quo sublato liberam esse monachis facultatem quemcumque vellent idoneum regulariter subrogandi Acta res est et publice septimo Idus septembris apud Bituricum in conspectu episcoporum et procerum quos ad sua negotia terminanda principis dignitas invitarat Anno ab Incarnatione Domini nongentesimo decimo gloriosus Dux Aquitanorum venerandis Apostolis Petro et Paulo venerabile construxit monasterium in valle que dicitur Cluniaca ibique venerabilem Bernonem designavit abbatem cujus cenobii plenam et integram libertatem et egregius fundator eis in ipsis posuit fundamentis et felicis memorie Gregorius septimus Urbanus secundus amplissimis privilegiis firmaverunt [] Intuens Berno abbas in viro Dei [Odone] virtutum copiam abundantiam gratiarum dignum eum altiori gradu pronuntians decernit officio sacerdotis sacris altaribus ad promovendum Beclamantem pro viribus et nolentem extrema obedientie necessitate compellit Advocato Bisuntinensi archiepiscopo et solemni consecratione premissa sacerdotis induit dignitatem [] Interim Berno abbas annosa senii gravitate deficiens exitiali etiam languore correptus decubuit Urgebatur duplici molestia egritudinis et etatis atque ad tollendam de medio vitam ejus morbus et senium in eodem corpore compugnabant Vicinos adsciscit episcopos consilii viros invitat quorum prudentia et responsis et sibi consulat jam migranti et filiorum provideat discipline Cum magno gemitu et multis lacrymis deducens in publicum annos suos preteritum vite sue in negligentia et torpore se inaniter consumsisse conqueritur Se fuisse abbatem nomine non merito officio non virtute se infructuose et diu locum regiminis occupasse Inde se damnationis obnoxium tormento quia locum pastoris mercenarius locum innocentie reus implens dignitatis officium indignis actionibus ministrasset Spem superesse remedii ut dum sue libertatis est animus abrenuntians cathedre pastorali sedem prelationis evacuet et locum tribunt meliori Id se optare id omnimodis se precari ut ad curam spirituum ad regimen animarum submoto infructuoso et sterili dignior et magis idoneus subrogetur [] Ipsi sibi preficiant ducem [] Verumtamen nisi a communi sensu ejus sententia dissentiret videretur sibi ut pastoralis sollicitudinis magnitudo partiri deberet in duos quorum alter in altero conquiescat et neuter ponderis intolerantia suffocetur Et ecclesia quidem Balmensis pro consuetudine habeat sponsum suum Cluniacensi vero filie jam adulte jura matrimonii non negentur Probant singuli quod dictum erat favent omnes et in sapiente viro veritatem consilii admirantur Sacerdotes qui tunc aderant auctoritate filii supplicatione contendunt ut ipse ad nutum suum quos idoneos viderit eligat et geminum matri et filie constituat provisorem Ipse qui melius probaverat subditorum spiritus an Dei essent verius poterat indicere quis tanto officio dignus esset Certum enim fuerat apud eos cum cui tanta virtus erat consilium ministrandi ad faciendum quod dixerat spiritu sapientie non carere Victus senior sacerdotum reverentia et precibus filiorum Guidonem venerabilem nepotem suum Balmensis ecclesie fecit abbatem Cluniacensi autem cenobio sanctum prefecit Odonem Deo pro nobis melius operante ut domus gratie et virtutis toto orbe post modum dilatanda in primo pastore suo sanctimonie fundamentum et religionis exciperet firmitatem [] Ita per ducentos fere annos optimus provisor noster [S Martinus] et in Cluniacensem ecclesiam ostendit gratie sue veritatem et circa suum alumnum Odonem cujus meritis vivimus amoris sui plenitudinem declaravit []