Charter Document - 03740018

[] Tempore Clotharii regis dum beatus Laudulfus more solito Ebroicas civitatem pergeret matutinorum solemnia celebrare audivit Angelorum choros psallentium ac dicentium B Taurini laudanda est festivitas cujus lingua fulget in Gallia Nuntiavit suo episcopo Viatori sed Viator morte preventus non potuit invenire eum Post mortem vero ipsius electus est a populo S Laudulfus qui nocte ac die non cessabat supplicare ut ei Dominus ostenderet venerabilem thesaurum Vertente autem anno uno tantum comite secum perrexit nocte ad locum ubi in preterito anno audierat voces Angelorum Prostratus autem in oratione iterum audivit voces psallentium simili modo Sed ignarus loci iterum in oratione prostratus rogavit ut ei Christus manifestum faceret locum Inde autem elevans oculos videt a terra usque ad celum columnam pertingentem clarum velut solem Qui accepto sarculo fodiens invenit sarcophagum et reperit ibi scriptum Hic requiescit beatus Taurinus primus episcopus Ebroica civitatis Tunc desuper ecclesiam ligneam edificavit in honore []