Charter Document - 03740012
| Charter Number: | 03740012 |
|---|---|
| Cartulary Title: | Histoire de Gigny |
| Charter Language: | Latin |
| Charter Origin: | Religious |
| Charter Type(s): | History |
| Date: | 1761 |
| Date type: | Assigned |
| Resource Link(s): |
|
Charter:
Taurinus ineunte quinto seculo eo tempore quo Victricius metropolim Rothomagensem administrabat veri Dei cultum in agro Ebroicensi docuit primus ibique sedem episcopalem posuit Illius corpus diu ignotum a Laudulfo presbytero detectum est seculo sexto desinente Qui cum Viatori episcopo successisset curavit super tumulum altare edificari In eodem loco temporum successu templum erectum est et condita abbatia insignita nomine Taurini cujus reliquie in capsa argentea ibidem sommo cum honore recoluntur Monasterio per bella Normannorum destructo expulsi sunt monachi ex eis nonnulli duce Guntberto episcopo Ebroicensi in Arverniam ad Castrum Laudosum cum parte non modica corporis sancti Taurini confugerunt Inde post annos aliquot ad Gigniacum Burgundie monasterium sub beato Bernone abbate delate sunt ille reliquie ibique assiduo populorum e vicinis provinciis concursu celebrantur