Charter Document - 03730002
| Charter Number: | 03730002 |
|---|---|
| Cartulary Title: | Le Livre Vert de la Cathédrale d'Avranches |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1134 - 1142 |
| Date type: | Assigned |
| Resource Link(s): |
|
Charter:
Ricardus mis[eratione] divina Abr[incensis] episcopus successoribus suis imperpetuum episcopis Sancta et universalis Mater Ecclesia bone spei filios brachiis pie dilectionis arcius amplectitur et diligencius in gremio suo fovet et uberius de proprio lactat ubere Nos itaque Ricardo de Suligneio ingenuo siquidem et magne frugalitatis nec minoris spei viro decanatum in honorem nostre ecclesie ab illustri et sancte recordationis episcopo Turgigio cui Deo auctore successimus institutum concessimus et presentis nostri pagina scripti assensu capituli nostri firma stabilitate confirmamus et ut hujus decanatus institutio firmus stet imperpetuum nostri sigilli impressione communimus et episcopali auctoritate corroboramus Si quis vero hanc predecessoris nostri et nostram institutionem ausu temerario scienter infringere seu diminuere temptaverit canonice commonitus nisi correxerit bonorum apostolorum Petri et Pauli atque Andree indignationem incurrat et anathema maranatha si perseveraverit sustineat Conservantibus autem pacem datis et ad augmentum bonorum conferentibus sit pax et felicitas perpetua Amen Sunt autem hec decanatui applicata ecclesiam de Veim scilicet Vib[er]ti et Rog[er]i et filiorum Gir[ardi] et masura ejusdem Gir[ardi] cum decim de abbate Montis una pellicia grisia ad mensuram super licii decima de propriis decimis episcopi de campo Botri in manerio Sancti Philib[er]ti decima de molendinis de Livet et de Accurso et de Tolweio et decima nundine et decima census manerii Quibus ipse Ric[ardus] adjecit decimam de Toeio que est ex feodo fratris sui cum ejus concessione + Ego Ric[ardus] episcopus propria manu [scripsi]
Source (click image below to view full size)
