Charter Document - 03720225
| Charter Number: | 03720225 |
|---|---|
| Cartulary Title: | Charters of Worcester |
| Charter Language: | English |
| Charter Origin: | Religious |
| Charter Type(s): | Lease |
| Date: | 1051 - 1055 |
| Date type: | Assigned |
| Resource Link(s): |
Anglo Saxon Charters (S 1409) eSawyer (S 1409) |
Charter:
Her swutelað on ðissum gewrite þæt Ealdred biscop hæfþ geunnen Wulfgeate sumne dæl landes þæt is oþer healf hid on ðam tune ðe Dicford is genamad to habbanne and to brucane ðreora manna dæg and æfter hyr dæge gange ðæt land est agean to ðam ðe se wylle ðe ðonne bisceoprices wealde on Wigeraceastre and hig syn æfre underþeodde and gehersume and ðam hlafordscipe folhgien ðe ðonne bisceop beo and gif hig ænigne frambyge don ðolian ðære are and ðisses is to gewitnysse eall se hired on Wigeraceastre and se hired on Eofeshamme and se hired on Persceoran and Leofric eorl and Odda eorl and Ælfric his broðor and Berhtric Ælfgares sunu and Owine and Wagan and Æglric ðæs biscopes broðor and Ceolmær and Atsur and Esebearn and Ordwig and Æþestan fætta and Ælfward at Langadune and ealle ða yldestan ðegnas on Wigeraceastrescire denisce and englisce and hredde he ða oðra healfe hida for are ðreora manna dæg to cinges banne