Charter Document - 03720217
| Charter Number: | 03720217 |
|---|---|
| Cartulary Title: | Charters of Worcester |
| Charter Language: | English |
| Charter Origin: | Lay |
| Charter Type(s): | Agreement |
| Date: | 1014 - 1023 |
| Date type: | Assigned |
| Resource Link(s): |
Anglo Saxon Charters (S 1459) eSawyer (S 1459) |
Charter:
Her swutelað on ðysum gewrite ymbe ða forwerda ðe Wulfric and se arcebisceop geworhtan ða he begeat ðæs arcebisceop swuster him to wife þæt is ðæt he behet hyre þæt land at Ealretune and at Ribbedforda hire dæg and he behet hire þæt land at Cnihtewican þæt he wolde hit hire begytan ðreora manna dæg at ðam hirede on Wincelcumbe and sealde hyre þæt land at Eanulfintune to gyfene and to syllenne ðam ðe hire leofest wære on dæge and æfter dæge ðær hire leofest wære and behet hire l mances goldes and xxx manna and xxx horsa Nu wæs ðyses to gewitnesse Wulfstan arcebisceop and Leofwine ealdorman and Æþelstan bisceop and Ælfword abbod and Brihteh munuc and manig god man teacan heom ægðer ge gehadode ge leawede þæt ðas forewerda ðus geworhte wæran Nu syndon to ðysum forwordan twa gewrita oþer mid ðam arcebisceop on Wigerecastre and oþer mid Æþelstane bisceop on Herforda