Charter Document - 03720214
| Charter Number: | 03720214 |
|---|---|
| Cartulary Title: | Charters of Worcester |
| Charter Language: | English |
| Charter Origin: | Religious |
| Charter Type(s): | Lease |
| Date: | 0991 |
| Date type: | Internal, A.D. |
| Resource Link(s): |
Anglo Saxon Charters (S 1366) British Library - Cotton MS Tiberius A XIII (f91r) eSawyer (S 1366) |
Charter:
In usses drihtnes noman hælendes Cristes Ic Oswald arcebiscop mid geþafunge and leafe þæs arwyrðan hiredes on Wiogernacastre ge iunges ge aldes gebocie sumne dæl landes minum holdan and getriowan þegne þætæm is Eadric noma on twam stowum þriora hida landes on twera monna dæg twa on Tætlintune and ane at Nioweboldan and þæt inlond þærto þe Leofinc hædde for his eadmodre hersumnesse þæt is þæt he hæbbe and wel bruce his dæg and æfter his dæg anum erfewarde þæm þe him leofest se and him to gearnian wille and he hit hæbbe tofrion ælces þingces butan geweorce and brycggeworce and ferdsocne Þis wæs gedon þu geare þe agan wæs fron Cristes gebyrdtide nigon hund wintra and an and hundnigonti wintra on þara broðra gewitnesse þe hiora naman her beneoðan awritene standað + Ic Oswald arcebiscop mid Cristes rode tacne þas sylene gefestnade + Ego Æþelstan primus + Ego Ælfsige presbiter + Eadgar presbiter + Ego Æþelsige presbiter + Ego Godinge diaconus + Ego Wistan presbiter + Ego Æþelstan presbiter + Ego Leofstan diaconus + Ego Æþelric diaconus + Ego Cyneþeng + Ego Wulfgar clericus + Ego Leofwine clericus + Ego Wulfric clericus + Ego Wulfnoð clericus + Ego Wulfwine clericus + Ego Godwine clericus