Charter Document - 03720181
| Charter Number: | 03720181 |
|---|---|
| Cartulary Title: | Charters of Worcester |
| Charter Language: | English |
| Charter Origin: | Religious |
| Charter Type(s): | Lease |
| Date: | 0975 - 0978 |
| Date type: | Assigned |
| Resource Link(s): |
eSawyer (S 1374) |
Charter:
Px Ic Osuuald þurh Godes giefe arcebisceop mid geþafunge Eadwardes Angulcyninges and Ælfheres Mercna heretogan and þæs heorodes at Wygernacastre landes sumne dæl þæt is an gyrd at Genenofre mon cweð sumum preoste þam is Wulfheah noma mid allum þingum þe þærto belimpað freolice his dæge forgeaf and æfter his dæg twam yrfweardum and æfter heora forðsiðe to þære halgan stowe into Wiogernecastre þæm biscope to bryce Eac we writað him þone graf þærto Þis syndon þæ gemæru þe to þæm grafe gebyriaþ Ærest of þam clife in norðwearden stodleage þæt swa eastriht in þone æcergeard ondlong geardes þæt in lipperdes gemære ondlong gemæres þæt in steorfanhalh ondlong ofre þæt in þone croft of þæm crofte neoþewearde est up in þone holan weg of þæm wege in Wulfgares gemære ondlong gemæres þæt est on þæt clif besuþan þæm suðmestan holan wege Sit autem terra ista libera omni regi nisi ecclesiastici censi Sancta Maria et sanctus Michahel cum sancto Petro and allum Godes halgum gemiltsien þis haldendum gief hwa butan gewrihtum hit abrecan wylle hæbbe him wið God gemæne on þam ytemestan dæge þisses lifes buton he ær to dædbote gecyrre Þis is seo hondseten + Osuuold arcebisceop + Ego Wynsige presbiter + Ego Wulfric presbiter + Ego Æþelstan presbiter + Ego Ælfsige presbiter + Ego Eadgar presbiter + Ego Wistan presbiter + Ego Eadward presbiter + Ego Ælfgar diaconus + Ego Godinge diaconus + Ego Leofstan diaconus + Ego Æþelsige diaconus + Ego Wulfweard diaconus + Ego Kyneþegn clericus + Ego Leofwine clericus + Ego Wulfgar clericus + Ego Wulfhun clericus + Ego Kynestan clericus + Ego Brihstan clericus + Ego Eadwine clericus + Ego Wynstan clericus + Ego Ælfstan clericus + Ego Æþelwold clericus + Ego Ælfnoð clericus + Ego Æþeric clericus + Ego Ufic clericus