Charter Document - 03720174
| Charter Number: | 03720174 |
|---|---|
| Cartulary Title: | Charters of Worcester |
| Charter Language: | English |
| Charter Origin: | Religious |
| Charter Type(s): | Lease |
| Date: | 0977 |
| Date type: | Assigned |
| Resource Link(s): |
Anglo Saxon Charters (S 1332) British Library - Cotton MS Tiberius A XIII (f77v) eSawyer (S 1332) |
Charter:
Px Ic Osuuold arcebisceop þurh Godes giefe mid geþafunge and leafe Eadwardes Angulcyninges and Ælfheres Mercna heretogan and þæs heorodes on Weogornacastre landes sumne dæl þæt synd ii hida buton lx æcran þæt hæft se arcebisceop genumen into Cymesige to his hame him to hwætelande þe fram cuþum mannum Wulfringctun is gehaten sumum cnihte þæm is noma Æþelwold mid allum þingum þe þarto belimpað freolice his dæge forgeaf and æfter his dæge twam yrfweardum and æfter heora forðsiþe to þære halgan stowe into Wiogornacastre þæm bisceope to bryce sie hit ælces þinges freoh buto ferdfare and walgeworc and brygcgeweorc and cyrcanlade Þis wæs gedon ymbe viiii hund wintra and vii and hundseofantig þæs þæ drihtnes gebyrdtide wæs Sancta Maria and sanctus Michahel cum sancto Petro and allum Godes halgum gemiltsien þis haldendum gief hwa buton gewrihtum hit abrecan wylle God hine to rihtere bote gecyrre amen Her is seo hondseten Æþelwold is se forma man + Oswold arcebysceop + Ego Winsige presbiter + Ego Wulfric presbiter + Ego Wulfeah presbiter + Ego Eadgar presbiter + Ego Æþelstan presbiter + Ego Ælfsige presbiter + Ego Eadweard presbiter + Ego Ælfgar diaconus + Ego Godingc diaconus + Ego Leofstan diaconus + Ego Æþelsige diaconus + Ego Wulfweard diaconus + Ego Cyneþegn clericus + Ego Wulfhuni clericus + Ego Wulfgar clericus + Ego Brihstan clericus + Ego Leofwine clericus + Ego Cynestan clericus + Wynstan clericus + Eadwine clericus + Ælfstan clericus + Ælfnoð clericus + Æþelwold clericus + Wulfnoð clericus + Æþric clericus + [] clericus