Charter Document - 03720148
| Charter Number: | 03720148 |
|---|---|
| Cartulary Title: | Charters of Worcester |
| Charter Language: | English |
| Charter Origin: | Religious |
| Charter Type(s): | Lease |
| Date: | 0966 |
| Date type: | Assigned |
| Resource Link(s): |
Anglo Saxon Charters (S 1309) British Library - Cotton MS Tiberius A XIII (f80r) eSawyer (S 1309) |
Charter:
[Ic] Oswald bisceop þurh Godes giefe mid geþafunge and leafe [Ea]dgares Angulcyningces and Ælfheres Mercna heretogan and þæs heorodes on Wiogornacastre landes sumne dæl þæt synd iii hida þe fram cuþum mannum Hindehlep is gehaten sumum wife þære is noma Ælfild for Godes lufon and for uncre sibbe mid eallum þingum þe þærto belimpað freolice hiere dæg forgieaf and æfter hiere dæge twam yrfeweardum and æfter heora forðsiþe to þære halgan stowe into Wiogornacastre þam biscope to bryce si hit ælces þinges freoh butan ferdfare and walgeworc and brycgeworc and circanlade þis wæs gedon ymbe nigon hund wintra and seox and seoxtig þæs þe Drihtnes gebyrdtide wæs on þy seofoþan geare þæs þe Oswald bisceop to folgaðe feng Sancta Maria and sanctus Michahel cum sancto Petro and eallum Godes halgum gemiltien þis haldendum gif hwa buton gewrihtum hit abrecan wille God hine to rihtere bote gecerre amen Her is seo hondseten Oswaldes biscopes + Ego Wulfric presbiter + Ego Eadgar presbiter + Ego Æþelstan presbiter + Ego Ælfred clericus + Ego Wulfhun clericus + Ego Ælfstan clericus + Ego Byrhstan clericus + Ego Wulfgar clericus + Ego Ælfgar clericus + Ego Vfic clericus + Ego Wulfhehh clericus + Ego Leofwine clericus