Charter Document - 03720143
| Charter Number: | 03720143 |
|---|---|
| Cartulary Title: | Charters of Worcester |
| Charter Language: | English |
| Charter Origin: | Religious |
| Charter Type(s): | Lease |
| Date: | 0963 |
| Date type: | Internal, A.D. |
| Resource Link(s): |
Anglo Saxon Charters (S 1305) British Library - Cotton MS Tiberius A XIII (f88r) eSawyer (S 1305) |
Charter:
Mid tyþe and mid geþafunge Eadgares cynenges and Ælfheres Merna ealdermannes and þætæs heorodes at Wiogornacastre ic Oswald þurh þa rumgiflan Godes cyste to biscope gehadod sumne dæl landes þæt synd iii hida at Þorndune Æþelstane minum þegne his dæg freoh ælces weoruldcundes þeowetes geuþe buton þreom þingum an is circsceat and þæt he mid eallum cræfte twuga on geare æne to mæþe and oþre siðe to ripe and æfter his dæge twam mannum swylce him gecwemest sy and æfter heora forðsiþe þam biscope to bryce into Wiogurnacastre Ðis synd þa landgemæra to Þordune ondlong amman broces þæt hit sticað in pidelan ondlong pidelan þæt hit cymð to oredeshamme of oredeshamme on deorelmes dic of deorelmes dic on incsetena gemære of incsetena gemære in þa stræt of þære stræte in þornhæma dic of þære dic in þæt sic of þam sice þæt hit sticað in ammam broc and xii æceras on incsetena lande and seo wudung on gemænan grafe to Þordune Ðonne is ealles þæs landes iii hida þe Oswald bisceop bocað Æþelstane his ðegne on þa gerad wyrce þæt he wyrce þæt þæt land seo unforworht into þære halgan stowe Anno dominice incarnationis DCCCCLXIII scriptum est Hæc carta his testibus consentientibus quorum inferius nomina notantur + Ego Wulfric presbiter + Ego Ælfric presbiter + Ego Eadgar presbiter + Ego Ælfred clericus + Ego Cynestan clericus + Ego Wulfgar clericus + Ego Brihstan clericus + Ego Wulfhun clericus + Ego Eadwine clericus + Ego Cynesige clericus + Ego Æþelstan clericus + Ego Cyneþegn clericus + Ego Wynstan clericus + Ego Wulfheh clericus