Charter Document - 03720135
| Charter Number: | 03720135 |
|---|---|
| Cartulary Title: | Charters of Worcester |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 0962 |
| Date type: | Internal, A.D., Regnal |
| Resource Link(s): |
Anglo Saxon Charters (S 1298) British Library - Cotton MS Tiberius A XIII (f101r) eSawyer (S 1298) |
Charter:
Ego Oswald largo Christi carismate præsul dicatus Dominicæ incarnationis anno DCCCCLXII annuente rege Anglorum Eadgaro ejusque utriusque ordinis optimatibus quandam ruris particulam iii videlicet cassatas quos olim quædam possidebat matrona nomine Alhðryð in loco qui celebri a soli colis nuncupatur Cungle vocabulo cuidam regis ministro nomine Alfwold perpetualiter concedo ut ipse cum omnibus utensilibus eam quamdiu vixerit habeat et post obitum ejus mater si superstes fuerit eandem recipiat Sin alias post obitum ipsius ad usum pontificis in Wigorna castra redeat inmunis Ecclesie vero munus et sepultura præsulis in Weogorna castra dicioni deveniat Alias plena glorietur libertate excepta expeditione rata pontis arcisve constructione Si quis autem hanc nostram donationem in aliud quam constituimus transferre voluerit privatus consortio sanctæ Dei ecclesie eternis barathri incendiis lugubris jugiter cum Juda Christi proditore ejusque complicibus puniatur si non satisfactione emendaverit congrua quod contra nostrum deliquid decretum