Charter Document - 03720133
| Charter Number: | 03720133 |
|---|---|
| Cartulary Title: | Charters of Worcester |
| Charter Language: | Latin, English |
| Charter Origin: | Royal |
| Charter Type(s): | Grant |
| Date: | 0956 |
| Date type: | Internal, A.D., Regnal |
| Resource Link(s): |
eSawyer (S 633) British Library - Cotton MS Tiberius A XIII (f150r) |
Charter:
Px Cuncta que cernuntur inter cælum et terram practice temporalia sunt et que non videntur in cælestibus theorice catholica fide credenda sunt Quapropter antiqui dudum decreverunt cum terrenis æternalia et caducis celestia collucrari Ideoque illuc anelando toto mentis conamine alacriter Eadwi Rex nutu Dei Angulsæxna et Northanhumbrorum imperator paganorum gubernator Breotonumque propugnator gratanter ut dictum est Deo cohortante gratis accepistis gratis date dat precibus et suasionibus Brihtnothi regalis presidis monasterio Wigornensi quinque cassatos ad Fepsetnatune cum omnibus ad eam pertinentibus ut libere ac perpetualiter habeant ab omnibus scilicet supervenientibus negotiis præter expeditionem et emendationem pontis et arcis Præterea v salsuginis fornaces ad eandem villam in perpetuum jure hereditario subjacere in nomine altithroni conditoris præcipit ac permittit Hæc carismata caraxata sunt Cirnacastre anno dominice incarnationis DCCCCLVI et primo anno regiæ dignitatis Eadwi quo sceptra rexit regalia Constat etiam hic codicellus magna auctoritate catholicorum sic titulatus Beatus agonista totius Britanniæ Eadwi en imperat obsecrando et obsecrat imperando per munus euuangelicæ auctoritatis ut nullus fraudulenter hoc ejus donum audeat violare ne penas luat mortis amaræ Sed unusquisque qui animæ suæ amicus et custos velit esse huic donationi sue studeat augmentando et servando prodesse ut gaudiis civium cælestium valeat interesse Eadwi regum præcellentissimus hoc prerogativum cum triumphali vexillo Et Oda archiepiscopus cum cæteris presulibus aliisque obtinatibus quorum vocabola subnotantur consignat Osketel summus pontifex Wlsie episcopus Ast regulus Morgant regulus Athelmund dux Alfwald didasculus Kenwold monachus Vrm minister Elfsie episcopus Oswlf episcopus Eadgar regulus Eadmund dux Alfhere dux Dunstan dogmatista Brihtferht minister Gunner minister Ðis syndon ða gemæru to Fepsetnatune Ærost of hymel broc and swa on suð dene of þære dene on fleferð and swa on ða dic ondlang dices on mær ford of ðam forde on nut fen þæt swa ondlang dene of ðære dene on æþelflede sige swa on scylf wege of þæm wege on hymel broc