Charter Document - 03720130
| Charter Number: | 03720130 |
|---|---|
| Cartulary Title: | Charters of Worcester |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 0930 |
| Date type: | Internal, A.D., Regnal |
| Resource Link(s): |
eSawyer (S 406) |
Charter:
Ego Athelstanus ipsius munificentia basileus Anglorum simul et imperator regum et nationum infra fines Britanniæ commorantium quandam telluris partem que ab incolis Cliftun nominatur Deo et sanctæ Dei genitrici Mariæ sanctoque Petri apostolorum principi pro remedio animæ meæ condono ad usas servorum Dei qui in sancto monasterio ipsius principibus apostolorum in Wigorna civitate Deo serviunt quo Dei omnipotentis misericordia sanctorumque ipsorum quorum honori locus ille sacratus constat suffragio trophæum ex Anolafo rege Norannorum qui me vita et regno privare disponit possim armis superando adipisci Sit autem prædicta terra libera ab omnibus causis notis et ignotis excepta expeditione et pontis arcisque constructione Facta est autem hæc donatio anno dominice incarnationis DCCCCXXX regni vero michi commissi vi Indictione vii epacta iii His testibus consentientibus quorum onomata infra karaxata cum agie crucis taumata sunt + Ego Æþelstanus singularis privilegii ierarchia præditus rex huius acumen indiculi cum signo sanctæ crucis corroboravi et subscripsi + Ego Wulfhelmus Dorobernensis arciepiscopus consensi + Ego Rodewold arciepiscopus + Ego Tidhelmus episcopus + Ceonewoldus episcopus + Ego Ðeodredus episcopus + Ego Osulf dux + Ego Healden dux + Ego Odda minister + Ego Eadnað minister