Charter Document - 03720125
| Charter Number: | 03720125 |
|---|---|
| Cartulary Title: | Charters of Worcester |
| Charter Language: | Latin, English |
| Charter Origin: | Religious |
| Charter Type(s): | Lease |
| Date: | 0904 |
| Date type: | Internal, A.D. |
| Resource Link(s): |
Anglo Saxon Charters (S 1280) British Library - Cotton MS Nero E I/2 (f182v) British Library - Cotton MS Tiberius A XIII (f6v) eSawyer (S 1280) |
Charter:
Omnibus namque sapientibus notvm ac manifestvm constat quod dicta hominum uel facta pro multiplicibus criminum perturbationibus et cogitationum uagationibus frequenter ex memoria recedunt nisi litterarum apicibus et custodie cautela scripturarum reseruentur et ad memoriam reuocentur Quamobrem anno dominice incarnationis DCCCCIIII indictione i has ob memoriam posteritatis litteras scribere iussimus Þæt is þonne þæt Werfrið biscop and se hired at Wigracastre syllað and gewritað Æþelrede and Æþelflæde heora hlafordum þonæ hagan binnan byri at Wigracastre se is fram þære ea sylfre bi þæm norðwalle eastwardes xxviii roda lang and þonon suþwardes xx iiii roda brad and est þonon westwardes on Sæferne xix roda long and eac hi syllað him þæt medwe land bewestan Sæferne on efen þone hagan andlang þæs bisceopes dic of þære ea þæt hit cymð west ut on þæt mor dic and swa norð þæt hit cymð ut on efen þæt gelad and swa estwardes þæt hit cymð est wiðneoþan þæt gelad on Sæferne Eac hi syllað him Beferburnan and eac þærto lx æcera earðlondes besuþan Beferburnan and oþre lx benorðan and ec swyþe rumedlice xii æceras þærto fulgodes mædlandes and eall hi syllað þiss heom mid milde mode and wilniað him to þæt hi syn eigðer ge hlafordes freond ge þara hina ge þære cyrcan and hig his wyllað alning hieom tearnien dæges and nihtes mid heora godcundnesse swa hi betst magon and hi hit habban a ge binnan byrig ge butan unbesacen wið ælce hand þa hwyle þe hi lifgean and gif Ælfwyn leng sy þonne sy hit swa unbesacen þa hwile þe heo lifige and ofer heora þreora dæig agefe hit mon est þære circean hlaforde swa gegodad swa hit þonne sy for heora þreora sawle buton ælcum geflite gif God wile þæt hig hit godian motan Augentibus et custodientibus retributio Eterne beatitudinis augeatur in celo minuentes et frangentes sempiterna increpatione redarguantur nisi prius digna satisfactione emendauerint þas gerædnesse eall se hired ge iunge ge ealde mid Cristes rode tacne gefæstnodon and þara xii noman her standað awritene bæftan and eac þara freonda noman þe we us to gewitnesse curon + Æþelred aldorman and Æþelflæd Myrcna hlafordas mid us hit gewriton + Ego Werfrið episcopus propria manu consensi et corroboro + Ego Kinelm abbas + Ego Ecgfrið presbiter consensi + Ego Wiglaf presbiter + Ego Oslac presbiter + Ego Cinað diaconus + Bernhelm + Eardulfus + Wlfred + Ceolhelm + Wllaf + Alhmund + Edgar biscop + Aldred + Æþelfrið ealdormann + Ælfred + Ælfstan + Eadric + Wlfhun + Æþeredes gerædnesse and Æþelflæde wið Werfrið biscop and wiþ þone hired on Wegernaceaster