Charter Document - 03720111
| Charter Number: | 03720111 |
|---|---|
| Cartulary Title: | Charters of Worcester |
| Charter Language: | English |
| Charter Origin: | Religious |
| Charter Type(s): | Settlement |
| Date: | 0825 |
| Date type: | Assigned |
| Resource Link(s): |
Anglo Saxon Charters (S 1437) eSawyer (S 1437) |
Charter:
+ In nomine trino diuino qui est deus benedictus in sæcula amen Ðy gere þe wæs from Cristes geburde agæn eahta hund winter et xxv et æfterre indictio wæs in rime et wæs Beornwulfes rice Mercna cyninges þa wæs sinodlic gemot on þære meran stowe ðe mon hateþ Clofeshous on þam se siolfa Cyning Biornwulf et his biscopas et his aldormen et alle þa wioton þisse þiode þær gesomnade weron þa wæs tiolo micel sprec ymb wuduleswe to Suþtune ongægum West on Scirhylte waldon þa swangerefan þa leswe forður gedrifan et þone wudu geþiogan þonne hit ald geryhta weron þonne cuæð se biscop and þara hira wiotan þæt hio him neren maran ondeta þonne hit aræded wæs on Æþelbaldes dæge þrim hunde swina mæst et se biscop et ða higen ahten twæde þæs wudu et þæs mæstes [] Ða geræhte Wulfred arcebiscop et alle þa wiotan þet se biscop et þa higen moston mid aþe gecythan þet hit sua aræden were on Æþelbaldes dage et him mare to ne sohte [] And he þa sona se biscop bewæddade Eadwulfe ðæm aldormen þæs aþes biforan allum þæm wiotum et him mon þone gelædde ymb xxx næhta to þæm biscopstole æt Wigoernaceastre [] In þa tiid wæs Hama Suangerefa to Suðtune et he ræd ðæt he wæs æt Ceastre and þone aað gesæh et gesceawade sua hine his aldormon heht Eadwulf et he hine hweþre ne grette hii sunt nomina et uocabula qui in synodali concilio fuerunt congregati + Signum manus Biornwulfi regis Merc + Wulfred arcepisc consen hanc condicionem + Oeðelwald episc consen + Hræðhun episc consen + Heaberht episc consen + Bionna episc consen + Eadwulf episc consen + Wilfred episc consen + Wigðegn episc consen + Alhstan episc consen + Humberht episc consen + Ceolberht episc + Cynred episc + Torhthelm prior + Eanmund abb + Wihtred abb + Cudwulf abb + Eanmund abb + Eaðberht dux + Biornoð dux + Sigred dux + Cuðred dux + Eadwulf dux + Mucel dux + Uhtred dux + Alhheard dux + Bolam + Bynna + Aldred + Wighelm + Heahberht episc + Eadgar pr + Wigberht pr + Heahstæf pr + Brada pr + Cuðbald pr + Regngar pr + Cuðberht pr + Ecgmund pr + Ecmund pr + Heahferhð diac + Wighelm diac + Erneberht diac Ond alre oðerra priosta butan þissum mæssepriostum efen lx