Charter Document - 03720109
| Charter Number: | 03720109 |
|---|---|
| Cartulary Title: | Charters of Worcester |
| Charter Language: | English |
| Charter Origin: | Royal |
| Charter Type(s): | Memorandum |
| Date: | 0822 - 0823 |
| Date type: | Assigned |
| Resource Link(s): |
Anglo Saxon Charters (S 1432) British Library - Add MS 46204 (f1r) British Library - Cotton MS Nero E I/2 (f182v) British Library - Cotton MS Nero E I/2 (f183r) eSawyer (S 1432) |
Charter:
+ Ceolulf rex wilnade þæs londes æt Bremesgrefan to Heaberht biscop et to his [higun] et þa sende he his erendwreocan to Wulfheard to Intanbeorgum et heht þæt he cuome to him et [to þæ]m higum þa dede he swæ þa hio him to spræcon se biscop et his weotan ymb þæt lond þæt he his him geuþe þæt hio maehten þone freodom begeotan et þa wæs he eaðmodlice ondeta þæt he swæ wulde et to him wilnende wæs þætte hio him funden suelce londare swelce he mid arum on [b]eon maehte et his wic þære on byrig on his life þa sende he monn to þæm ærcebiscope et to Eadberhte et to Dynne et him heht segcgan þæt he wilnade þæs londes æt Intanbeorgan þa se ærcebiscop et Eadberht hit wæron erndiende to cyninge þa cuom Dynne to gelærde þone cyninge þæt he his no geþæf wæs þa wæs higen et hlaforde lond unbefliten æghuæs et sioþþan a oþ his daga ende