Charter Document - 03720008

Ðis syndon þa foreword þe ælfwerd abbot and se hired on eoueshamme worhtan wið æðelmær ða hi him þæt land sealdon æt norðtune wið iii pundon þreora manna dæg þæt syndon iii hyda to inware and oðer healf to utware swa swa he hit gebohte þa hit westelæg æt hacune and æt leofrice and æt ealrescire þæt is þæt we hit unnon him on godes est and on Sancta marian and on þæs halgan weres [Sanctus Egwines] þe hit into þam mynstre beget and gange ægðer ge cyricsceat ge teoðunge into þam halgan mynstre swa he mycele þearfe ah þæt hi don and toll and team sy agifen into þam mynstre butan he hit geearnian mæge to þam ðe þænne ah mynstres geweald and æfter þreora manna dæge gange þæt land in mid i men and mid vi oxan and mid xx sceapum and mid xx æcerum gesawenes cornes and þyssa gewrita synd iii an lið on wigra cestre æt Sancta marian mynstre and oððer lið on eofes hamme and þridde hæfð æðelmer Se þe þis gehealde gehealde hine god and se ðe hit awende oððe gelytlige gelytlige god his mede on þam toweardum life butan he hit ær his ende þe deoppor gebete and þis wæs gedon be þyssa witena gewytnessæ þe her wið nyðan awritene standað þæt is ærest ælfgeofu seo hlæfdie þe þæs mynstres walt and wulfstan arcebiscop and leofsige biscop and byrhtwold biscop and ælfsige abbas and ælfwerd abbot and leofsige abbot and afa abbot and hacun eorl and eglaf eorl and leofwine ealdorman and leofric and eadwine and byrht teg munuc and byrhtwine