Charter Document - 03720005
| Charter Number: | 03720005 |
|---|---|
| Cartulary Title: | Charters of Worcester |
| Charter Language: | English |
| Charter Origin: | Religious |
| Charter Type(s): | Lease |
| Date: | 0969 |
| Date type: | Assigned |
| Resource Link(s): |
eSawyer (S 1326) |
Charter:
Ic oswold bisceop þurh godes gefe mid geþafunge and leafe eadgares angul kynincges and ælfheres mercna heretogan and þæs hieredes on wiogerne ceastre landes sumne dæl þæt sint[] hida on twuam tunum þe fram cuþum mannum teot tingc tun and ælf siges tun sint gehatenne sumum cnihte þæm is osulf nama for godes lufan and for uncre sibbe mid eallum þingum to freon þe þærto belimpað his dæg forgeaf and æfter his dæg twam erfe weardum þæt beo his bearn swilc lengest mote gief him þæt giefeþe bið æfter þara bearna dæge fo eadleofu to his gebedde hire dæg æfter hire dæge becweþe hire broþrum twam swilc hire leofest sy æfter hieora dæge eft into þære halgan stowe Sy hit ælces þinges freoh butan ferd fare and walgeworc and brygc geworc þis wæs gedon ymbe nigon hund wintra and nigon and seoxtig þæs þe drihtnes gebyrd tide wæs on þy nigoþan geare þæs þe oswold bisceop to folgaþe fenge Sancta maria et sanctus michahel Cum sancto petro and eallum godes halgum gemilt sien þis healdendum gief hwa buton gewyrhtum hit awendan wille god adilgie his noma of lifes bocum and habbe him gemæne wið hine on þam ytemestan dæge þysses lifes butan he to rihtere bote ge cerre +Her is seo hond seten oswoldes bisceopes and unna hierdes on wiogerna ceastre + wulfric mæssepreost + ælfred clericus + cynsige clericus + eadward clericus + leof wine clericus + eadgar mæssepreost + wulfhun clericus + ælfstan clericus + tuna clericus + wulf noð clericus + æþelstan mæsspreost + brihstan clericus + eadwine clericus + ufic clericus + wistan mæsspreost + wulfgar clericus + ælfgar clericus + wulfheah clericus