Charter Document - 03702151
| Charter Number: | 03702151 |
|---|---|
| Cartulary Title: | Charters of Christ Church Canterbury |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1023 |
| Date type: | Assigned |
| Resource Link(s): |
eSawyer (S 959) University of Manchester Medieval Collection - Textus Roffensis (p124) |
Charter:
[C]nut rex Anglorum dedit ecclesie Christi brachium sancti Bartholomei cum magno pallio et sui capitis auream coronam et portum de Sanduuic et omnes exitus eiusdem aque ab utraque fluminis parte ita ut natante naue in flumine cum plenum fuerit quam longius de naui potest securis paruula super terram proici debet a ministris ecclesie Christi rectitudo nauis accipi Nullus omnino hominum aliquam consuetudinem in eodem portu habet exceptis monachis ecclesie Christi Eorum quoque est transfretatio portus et nauicula et theloneum nauicule et omnium nauium que ad Sandwic uenerint a Pepernessa usque Northmutha Si quid autem in magno mari repertum fuerit delatum Sandwic medietatem Christi ecclesia habebit Reliqua uero pars inuentoribus remanebit