Charter Document - 03701152
| Charter Number: | 03701152 |
|---|---|
| Cartulary Title: | Charters of Christ Church Canterbury |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1026 - 1035 |
| Date type: | Assigned |
| Resource Link(s): |
eSawyer (S 1221) |
Charter:
[E]odem anno rex Cnut venit in ciuitatem Doroberniam Tunc venit ad eum quidam de principibus suis nomine Haldene et cepit ei dicere Notum est excellencie tue domine quid a te diu petiui de ecclesia ista ut pro salute anime tue et mee huic familie Christi aliquantulam partem de terris meis impartire potuissem Cui rex respondit Quod diu petisti iam inuenisti Fac ut tibi bonum uidetur Statim absque omni dilacione precepit hoc scriptum facere et factum coram rege et omnibus qui cum eo erant legere et regem rogauit id ipsum signo crucis confirmare Ego Haldene Scearpa per consensum et concessionem domini mei regis Cnutonis et optimatum suorum concessi ecclesie Christi in Dorobernia presente eodem rege in eadem ciuitate consistente has terras Hitham et Sealtuuoda cum omnibus ad eas rite pertinentibus campis pratis pascuis siluis seruis ancillis pecoribus sicut eas melius et plenius preparare potui pro salute anime mee et mulieris que easdem terras olim eidem ecclesie contulit Siquis easdem uillas a predicta ecclesia elongauerit ab omnipotente Deo excommunicatus in die magna iudicii a sinistra iudicis constitutus diabolo coniungatur