Charter Document - 03701151
| Charter Number: | 03701151 |
|---|---|
| Cartulary Title: | Charters of Christ Church Canterbury |
| Charter Language: | English |
| Charter Origin: | Royal |
| Charter Type(s): | Grant |
| Date: | 1023 |
| Date type: | Internal, A.D. |
| Resource Link(s): |
eSawyer (S 959) Canterbury Cathedral - Chart. Ant. S.260 |
Charter:
+ On ðas hegestes Godes et ures hlauordes hælendes christes naman ure halige et ure rihtwise fæderes mid soðre gefæstnunge et mid gelomrædre menunge us gemenegið þæt we ðone ælmihti God ðe we luuiað et we onbeleuað mid inweardre gelustfulnesse ure heorten et mid geornfulnesse godre wurke unatirendlice ondræden et luuian Forði ðe he scel geldan edlean ealre ure weorke on domesdæge æfter æghwilces mannes earnunge et forði mid ðam hehlicastan gewinne ures modes swinke we him to gefolgienne þeahðe we gesæmde beon mid ðare berdene ð[]s deadlices liues et ðare gewitendre æhte þises middaneardes beon awémde þeahhwædere we magen gebecgen ða éce meden ðas heouenlices liues mid þam riosenden welan et forði ic Cnut ðurh Godes geue Ænglelandes kining et ealre ðare eglande þe ðærto licgeð legge upan christes weoued inne Cantwareberig mines heouodes kinehelm mid minen agenen h[]nden to ðas ilcen menstres freme et ic []nn þam ilikan menstre to ðare munece bigleoue ða hæuene on Sandwic et ealle ða lændinge et þa gehrihte of ðam ilkan wætere of ægder healue ðas streames age land seðe hit age fram Pipernæsse to Mærcesfleote swa þæt ðonne hit bið full fl[]d et þæt scip bið aflote swa feorr swa mæg an taperæx beon geworpen ut of ðam scipe up on þæt land þa gereflanges of christes circean underfon ða gerihte Ne næfre nan man an anes kennes wisan næfð nænne anweald on þare ilicere hæuene butan ða munekes of christes circean et heore is þæt scip et si ouerfæreld þare hæuene et si tolne of ealle scipen bi þas ðe hit beo et cume ðanon þe hit cume þe to þare ilicare hæuene æt Sandwic cumð et gif aht is in ðare micelre s wiðutan ðare hæuene swa micel swa seo s heo mæst wiðteohð et git anes mannes længe þe healt ænne spreot on his hand et strecð hine swa feor swa he mæg aræcen into ðare s þæt is ðare muneke et eal þæt ðe of ðas healue þare middelsæ wurð gefunden et to Sandwic gebroht bi hit scrud bi hit net oððe wæpne oððe isen gold oððe seoluer þæt healue dæl sceal beon ðare muneke et þæt oðer dæl scel beliuan þam ðe hit findæð et gif ænig oðer gewrit heoneforð wurð forðgebroht þe beo heortoforen gemaked þe on æniges kinnes wisen beo geðuht þissere ure gefæstnunge to wiðcweðene þæt gewrit beo geworpen musen to gnagene oððe on fere to forbærnenne et se ðe hit forðbrængð beo swilces hades swilc he beo bio he gehealden for æscegeswap et mid ealre ðare unwurðreste scame beo he gescænt et of eallan þan mannen ðe ðær gehænde beoð mid ane mode wurðe he gescuned et seo strange gefæstnunge þissere landboc æfrema heoneforð beo gestranged et ægder mid ðas ælmihtiges Godes ealderdome et mire et ealre minre ðegene gefæstnunge togænes ealre þare wiðcweðendre smæigunge on ecnesse staðelfæst et unawægendlic mid ðurhwuniende rihte beo gefæstned et gif ænig is þæt gewilnað oððe to brekene oððe to gelitligene mid toðundene modignesse þas ure gefæstnunge wite he hine selfne amansumod fram Gode et fram eallen his halgan butan he toforan ðam deaðe mid wurðe behriwsunge gebete þæt he unrihtwislice forgelte Ðeos landboc wæs gewriten on ðan þusende et ðri et twentehte gære fram ures hlauordes hælendes christes akennednesse mid ðare geðwærunge þissere manne þe here naman heræfter beoð gewritene + Ic Cnut se kining of Ænglelande þas gefæstnunge of ðisen gewrite unawendedlice gefæstni + Ic Ægelnoð ercebiscop of Cantwareberig þas sundergeoue mid þam halige tacne getremde + Ic Ælfric se ercebiscop of Euerwic ðas ilces kinges godne wille mid ðam halege rode tacne gefæstni + Ic Ælfwine se biscop of Lundene geðwærðe + Ic Ælfwine biscop of Wincæstre gæf geðwærunge + Ic Brihwald biscop Coruiniensis ecclesie geðwærde + Ic Ægelric biscop of Dorsætscire gefæstnede + Ic Ælmer biscop + Ic Godwine biscop + Ic Brihtwine biscop + Ic Æðelstan biscop + Ic Ælmær abbod + Ic Brihtmær abbod + Ic Brihtwine abbod + Ic Wulnoð abbod + Ic Godwine eorl + Ic Ægelaf eorl + Ic Ðrim eorl + Ic Yric eorl + Ic Ðord minister + Ic Agemund minister + Ic Ægelric minister + Ic Ælfwine minister + Ic Brihtric minister + Ic Leofric minister + Ic Siræd minister + Ic Godwine minister + Ic Eadmær minister