Charter Document - 03700181
| Charter Number: | 03700181 |
|---|---|
| Cartulary Title: | Charters of Christ Church Canterbury |
| Charter Language: | English |
| Charter Origin: | Royal |
| Charter Type(s): | Grant |
| Date: | 1042 - 1066 |
| Date type: | Assigned |
| Resource Link(s): |
eSawyer (S 1047) |
Charter:
+ Ic Eadwerd cyng et Englalandes wealdend under Criste þan heofenlican cyninge geann þæs landes æt Certham into Cristes cyrcean for mine sawle þan hirede to fosterlande þe þærinne Gode þeowað et ic eom þæs mynstres mund et upheald et nelle geþafian þæt ænig mann ge[]tige ænig þara landa þe mid rihte into þan halgan mynstre gebyrige et ic wille þæt ælc þara landa þe on mines fæder dæge læg into Cristes cyrcean wære hit kynges gife wære hit bisceopes wære hit eorles wære hit þegenas eall ic wille þæt ælces mannes gife stande et ic nelle geþafian þæt ænig mann þis awende et gif ænig mann si swa dyrstig oþþe þærto geþwærlæce þæt ænig þara lande þe lið into Cristes cyrcean þanon ge[]tige si he Iudas gefera þe Crist belæwade et þe þisne cwyde æfre awende þe ic mid minre agenre hand on þissere Cristes béc Criste betæhte on uppan Cristes weofod drihten fordo hine [] on ecnesse Amen Ðis synd þara landa nama Sandwic Eastryge Tænet Edesham Ieoccham[] Certaham[] Godmæresham[] Wylle East Cert et oþer Cert Berwica Werhornas Apuldra Merseham Orpedingtun[] Preostatun Meapaham Culingas Frinningaham Holingaburnan Fernlege[] Peccham On Suðsexan Pæccingas Wudutun On Suðrian Wealawurð Mersetham Ceigham Horslege On Estsexan Suðcyrcean Middeltun Lællingc[] Boccing On Eastenglum Hæðleh Illaleh Innon Buccinghamscire be Cilternes efese Hrysebyrgan Innon Oxenafordscire Niwantun Brutuwylle